Update sa Privacy Progress

Talaan ng Mga Nilalaman

Paano Namin Ito Nagagawa

Pamamahala

Paggawa ng Kultura ng Privacy

Proseso ng Pagiging Handa sa Regulasyon

Pagtukoy at Pagsusuri ng Panganib sa Privacy

Mga Proteksyon at Control

Pagma-manage ng Mga Isyu

Privacy Red Team

Pagma-manage ng Insidente

Pamamahala sa Third-Party

Anti-Scraping

Pagsusuri ng Panganib

Mga Teknikal na Investment sa Privacy

Mga Resulta ng Produkto sa Privacy

Patuloy na Commitment sa Privacy

Paano Namin Ito Ginagawa

Mula pa noong 2019, namuhunan kami nang malaki sa mga tao, mga produkto at teknolohiya para patuloy na baguhin ang aming mahigpit na programa sa privacy. Ang lahat sa Meta ay responsable para sa pagpapanatili ng experience at mga inaasahan sa privacy na ibinibigay namin sa aming mga user, at gumagamit kami ng teknolohiya, mga patakaran at mga proseso para bumuo ng mga proteksyon sa privacy sa aming mga produkto. Sa aming buong kumpanya na kumikilos bilang unang linya ng depensa, kasunod ng gabay ng aming mga eksperto sa pagsunod, mayroon kaming mature na programa sa privacy na tinitiyak ang pangangasiwa at pananagutan sa hindi pa nagagawang scale.

$Litrato ng Chief Privacy Officer ng Produkto na si Michel Protti sa Menlo Park campus ng Meta$

“Nabatid namin na kinailangan namin ng mas maraming investment sa privacy—ang sandaling iyon ay noong tag-init ng 2019. Malaki ang tindi ng pagbabago para sa Meta—nangailangan ito ng mga pagbabago sa foundation sa aming mga tao, mga proseso at technical infrastructure, at oversight at accountability. At patuloy kaming namumuhunan sa pagprotekta sa data ng mga tao habang nagbabago ang mga system, teknolohiya at mga inaasahan.”

– Michel Protti, Chief Privacy at Compliance Officer, Produkto

Bumalik sa itaas

Pamamahala

Ang aming gawain sa privacy ay sinusuportahan ng mga internal na structure sa pamamahala na nagsasama sa privacy at mga pamantayan sa paggamit ng data sa mga operation ng kumpanya.

Mga Group sa Privacy ng Produkto

Naglalagay kami ng mga team na nakatuon sa privacy sa mga group ng produkto para itaguyod ang mga pagsasaalang-alang sa privacy sa pamamagitan ng pagbibigay ng expertise sa loob ng bawat group ng produkto. Nagbibigay-daan ang mga team na ito sa front-line na pagmamay-ari ng mga responsibilidad sa privacy sa aming mga produkto. Mayroon kaming matibay at nagtutulungan na proseso para isama ang mga kinakailangan sa privacy sa mga roadmap ng produkto sa buong Meta. Dalawang beses sa isang taon, naglalaan ang mga product team ng average na 6-8 linggo sa privacy roadmapping, kung saan inilalaan ang bahagi ng kanilang mga roadmap sa pagbuo ng mga bago at pinahusay na proteksyon sa privacy.

Product Risk & Compliance Organization

Pinangungunahan ng Chief Privacy and Compliance Officer, Product, na si Michel Protti, ang Product Risk & Compliance organization ay binubuo ng dose-dosenang team, parehong teknikal at hindi teknikal, na nakatuon sa paggabay sa kumpanya sa mga estratehiya sa privacy.

Ang Product Risk & Compliance Organization ay nasa sentro ng pangako ng aming kumpanya sa komprehensibong programa sa privacy nito. Ang misyon nito—magtaguyod ng mga responsableng kasanayan at magbigay-daan sa innovation sa buong Meta—ay ginagabayan ang trabahong ito sa pamamagitan ng pagtiyak na nauunawaan at pinagkakatiwalaan ng mga tao kung paano ginagamit ng mga produkto at serbisyo ng Meta ang kanilang data sa responsableng paraan.

Ang Product Risk & Compliance Organization ay isa lang sa maraming organization sa buong kumpanya na responsable para sa privacy. Mayroong libo-libong tao sa iba’t ibang organization at tungkulin sa buong Meta, kabilang ang mga team sa pampublikong patakaran, legal at produkto, na nagsusumikap para mailagay ang privacy, kaligtasan, seguridad, at iba pang bahagi ng pamamahala ng panganib, sa lahat ng aspeto ng mga operation ng aming kumpanya. Ang tamang pamamaraan sa privacy ay isang lubhang cross-functional na pagsisikap, at naniniwala kami na ang lahat sa Meta ay responsable para sa pagsisikap na iyon.

Patakaran sa Privacy at Data

Pinangungunahan ni Erin Egan, Vice President at Chief Privacy Officer sa Patakaran, ang team sa Patakaran sa Privacy at Data ay namumuno sa aming pakikipag-ugnayan sa pandaigdigang pampublikong discussion tungkol sa privacy, kabilang ang mga bagong framework sa regulasyon, at sinisigurado nito na ang feedback mula sa mga gobyerno at eksperto sa buong mundo ay binibigyan ng konsiderasyon sa disenyo ng aming produkto at mga kasanayan sa paggamit ng data.

Para gawin ito, kinokonsulta ng team sa Patakaran sa Privacy at Data ang mga group na ito sa pamamagitan ng iba’t ibang mekanismo sa pagkonsulta. Kabilang dito ang:

Mga patuloy na pagkonsulta sa mga eksperto bilang bahagi ng proseso ng aming product development, at para magbigay ng kaalaman sa aming pangmatagalang pamamaraan sa privacy
Mga workshop (kasama ang Data Dialogues) at iba pang mga pagpupulong tungkol sa mga masalimuot na tanong tungkol sa privacy
Pagpopondo sa mga eksperto para magsagawa ng mga "deep dive" na konsultasyon kasama namin tungkol sa kung paano namin mapapahusay ang mga aspeto ng aming programa sa privacy
Pagsuporta sa mga inisiyatiba sa buong industriya tulad ng Trust, Transparency and Control Labs (TTC Labs) at Open Loop na bumubuo ng mga makabagong solution na tumutulong sa amin at sa iba na responsableng bumuo ng teknolohiya
Pagho-host ng serye ng regular na pag-uusap kasama ang mga nangungunang eksperto sa privacy mula sa buong mundo para pag-usapan ang hanay ng mga paksa sa patakaran sa privacy na dapat tugunan agad

Mga External Privacy Event

Sinusuportahan namin at lumalahok kami sa mga conference ng industriya at iba pang event na nagpo-promote ng privacy at ibinabahagi namin ang mga pagsulong sa mga kasanayan sa privacy. Noong 2025, ibinahagi namin ang aming mga pagsulong sa pag-automate ng limitasyon ng layunin sa aming infrastructure sa Privacy, Security and Risk conference ng IAPP. Tinalakay din ni Erin Egan ang pamamahala ng panganib at AI kasama sina Bojana Belamy, Presidente ng Centre for Information Policy Leadership (CIPL), at Susan Cooper, Global Data Protection Officer ng Meta, sa aming series ng Mga Pag-uusap sa Privacy, na isang online na discussion kung saan iniimbitahan ni Erin ang mga nangungunang eksperto sa privacy mula sa buong mundo para talakayin ang hanay ng mga paksa sa patakaran sa privacy na dapat tugunan agad. Mga pagkakataon ito para sa amin na magbahagi sa at matuto mula sa mga eksperto, para matiyak na isinasaalang-alang namin ang kanilang mga pananaw habang bumubuo ng mga produkto at patakaran.

Mga Advisory Group

Nakikipagtulungan din kami sa iba’t ibang eksperto sa pamamagitan ng mga advisory group. Nagbibigay ng kaalaman ang mga group na ito sa paggawa ng desisyon ng Meta sa mga pinakabago at pinakakumplikadong tanong na kinakaharap namin habang bumubuo kami ng mga makabagong teknolohiya. Palagi kaming kumokonsulta sa mga group na nakatuon sa:

Mga pangangailangan sa privacy sa buong mundo
Pagme-message at pag-encrypt
Mga wearable, virtual reality at metaverse
Artificial intelligence
Monetization at mga ad

Privacy Legal

Ang Privacy Legal team ay kasama sa disenyo at sa patuloy na pagpapatupad ng aming programa, at nagbibigay ng payo sa mga hinihiling ng batas sa kurso ng aming proseso sa pagsusuri ng privacy.

Audit & Privacy Committee

Ang Audit & Privacy Committee ay hiwalay na committee ng aming Board of Directors na nagpupulong nang hindi bababa sa isang beses kada quarter at may responsibilidad ito para sa pangangasiwa ng privacy at pagsunod ng produkto, bukod sa iba pang bagay. Binubuo ang Committee ng mga independent director na maraming experience sa paglilingkod sa mga katulad na tungkulin sa pangangasiwa. Isang beses kada quarter, nakakatanggap sila ng mga briefing sa global policy landscape, kalagayan ng aming programa sa privacy, status ng independent na assessment ng third-party sa aming programa sa privacy, at marami pa.

Internal Audit

Ang Internal Audit ay nagdadala ng hiwalay na katiyakan sa kabuuang kalagayan ng aming programa sa privacy at sa sumusuportang framework sa kontrol.

Bumalik sa itaas

$Grupo ng mga taong nag-uusap sa isang work meeting, napapaligiran ng mga papel, tablet, at sticky note.$

Paggawa ng Kultura ng Privacy

Bahagi ng pagtiyak na nauunawaan ng lahat ang kanilang tungkulin sa pagprotekta ng privacy sa Meta ay ang paghikayat sa patuloy na pag-aaral at edukasyon tungkol sa privacy na sumasaklaw sa training at mga campaign para sa internal na kamalayan tungkol sa privacy.

Training

Ang mahalagang bahagi ng aming pamamaraan sa pagtuturo tungkol sa privacy ay hinahatid sa pamamagitan ng aming privacy training. Kasama sa aming privacy training ang mga batayang elemento ng privacy at binuo ito para tulungan ang lahat ng nandito sa Meta na maramdamang may kakayahan sila na malaman ang mga panganib sa privacy at gumawa ng mga responsableng desisyon na tutulong na pumigil sa mga ito, para maipagmalaki naming lahat hindi lang ang binubuo namin, pero pati rin kung paano namin ito binubuo. Ang isang pangunahing tema ay ang pagtiyak na alam ng mga tauhan ng Meta na sila ang unang linya ng depensa parat magprotekta sa mga panganib sa privacy at pigilan ang mga nasabing panganib.

Ang aming taunang privacy training at ang aming mga privacy training course para sa mga bagong hire at bagong contingent worker ay nagbibigay ng mga halimbawa ng mga pagsasaalang-alang tungkol sa privacy na batay sa senaryo na alinsunod sa mga operation ng aming negosyo at may kasamang assessment para subukan ang pag-unawa ng mga kaugnay na konsepto sa privacy. Ina-update ang mga training na ito at taon-taon itong dine-deploy para matiyak na kasama ang mga nauugnay na impormasyon bukod sa mga pangunahing konsepto.

Bilang karagdagan sa aming foundational privacy training, regular na nagde-deploy ang Meta ng specialized privacy education sa mga targeted audience, na iniakma sa mga nagbabagong paksa at panganib.

Kamalayan sa Privacy

Ang isa pang paraan ng paghikayat namin sa kamalayan ng buong kumpanya tungkol sa privacy ay sa pamamagitan ng regular na komunikasyon sa mga empleyado. Bilang karagdagan sa aming mga privacy training course, nagbibigay kami ng patuloy na privacy content sa pamamagitan ng mga internal communication channel, mga update mula sa leadership ng Meta, at mga internal na Q&A session.

Bumalik sa itaas

$Dalawang tao sa isang corridor na nagdi-discuss habang nakatingin sa isang tablet computer.$

Proseso ng Pagiging Handa sa Regulasyon

Mayroon kaming nakalaang team na ang trabaho ay tumulong na tiyaking sumusunod ang kumpanya sa mga pandaigdigang regulasyon sa privacy at data. Para magawa ang layuning ito, gumawa kami ng komprehensibo at end-to-end na proseso na tumutulong sa aming matukoy at matugunan ang mga external na obligasyon sa regulasyon. Ang prosesong ito ay nagbibigay sa kumpanya ng coordinated view sa lahat ng paparating na obligasyon sa regulasyon at isang predictable na proseso para suportahan ang aming mga tugon.

Pagtukoy at Pagsusuri sa Panganib sa Privacy

Ginawa namin ang aming Privacy Risk Management program para matukoy at masuri ang mga panganib sa privacy na may kaugnayan sa kung paano namin kinokolekta, ginagamit, ibinabahagi, at sino-store ang data ng user. Ginagamit namin ang prosesong ito para tukuyin ang mga tema ng panganib, pahusayin ang aming privacy program, at maghanda para sa mga inisyatiba sa pag-comply sa hinaharap.

Mga Proteksyon at Kontrol

Nagdisenyo kami ng mga proteksyon, kabilang ang mga proseso at teknikal na kontrol, para tugunan ang mga panganib sa privacy. Bilang bahagi ng pagsisikap na ito, nagsasagawa kami ng mga internal na pagsusuri sa disenyo at pagiging mabisa ng mga proteksyon para sa pagbawas ng panganib sa privacy.

Pagma-manage ng Mga Isyu

Bumuo kami ng centralized na function sa Pagma-manage ng Isyu para mapabilis ang self-identification at remediation ng mga isyu sa privacy. Saklaw ng prosesong ito ang lifecycle ng pagma-manage ng isyu sa privacy mula intake at triage, pagpaplano tungkol sa remediation at pagsasara nang may ebidensya.

Privacy Red Team

Bumuo kami ng Privacy Red Team na ang tungkulin ay maagap na subukan ang aming mga proseso at teknolohiya para matukoy ang mga posibleng panganib sa privacy. Ginagampanan ng Privacy Red Team ang papel bilang mga external o internal party na sinusubukang takasan ang aming mga kontrol at proteksyon sa privacy, na tumutulong sa aming maagap na matukoy ang mga bahaging dapat naming paghusayan ang aming control environment.

Pagma-manage ng Insidente

Dagdag pa sa aming mga matibay na pagpapagaan at proteksyon, nagpapanatili rin kami ng proseso para (1) tukuyin kapag posibleng sirain ng isang event ang pagiging kumpidensyal, integridad, o availability ng data na responsibilidad ng Meta, (2) imbestigahan ang mga sitwasyong iyon, at (3) gawin ang anumang kinakailangang hakbang para tugunan ang mga kakulangang natukoy namin.

Nag-o-operate sa buong mundo ang aming program sa Pagma-manage ng Insidente para pangasiwaan ang mga proseso kung saan tinutukoy, sinusuri, iniimbestigahan, at inaayos namin ang mga insidente sa privacy. Bagaman pinangungunahan ng team sa Privacy at Mga Kasanayan sa Data ang proseso ng pagma-manage ng insidente, reponsibilidad ng lahat ng nasa Meta ang mga insidente sa privacy. May mahahalagang tungkulin ang mga team sa buong kumpanya, kasama ang mga legal at product team. Patuloy kaming namumuhunan ng oras, mga mapagkukunan, at lakas sa pagbuo ng isang multi-layered na program na patuloy na nagbabago at humuhusay, at binibigyang-diin namin ang tatlong bahagi ng aming pamamaraan sa ibaba.

Maagap na Pagtukoy

Gumagamit kami ng layered na pamamaraan sa pagprotekta sa mga tao at sa kanilang impormasyon—na kinabibilangan ng pagpapatupad ng mga proteksyon na idinisenyo para matukoy kaagad ang mga bug, bago pa maging problema ang mga ito. Dahil sa lawak kung saan kami nag-o-operate, namumuhunan kami nang husto sa pagbuo at pag-deploy ng malawak na saklaw ng mga automated tool na inilaan para matulungan kaming matukoy at maayos ang mga potensyal na isyu sa privacy nang maaga at mabilis hangga’t maaari. Ang mga automated system na ito ay idinisenyo para makita ang mga insidente nang real time para magbigay-daan sa mabilis na pagtugon. Palaging may mahalagang tungkulin ang pangangasiwa at pagsisikap ng aming mga empleyado sa pagtulong na maagang matukoy at maayos ang mga insidente. Sinusuri ng aming mga engineering team ang aming mga system para matukoy at maayos ang mga insidente nang napapanahon.

Bug Bounty

Mula noong 2011, nagpatakbo kami ng programa ng bug bounty kung saan tumutulong ang mga external researcher na mapahusay ang seguridad at privacy ng aming mga produkto at system sa pamamagitan ng pagre-report ng mga potensyal na kahinaan sa seguridad sa amin. Ang mga malalaman ng mga researcher ay maaaring humantong sa karagdagang imbestigasyon at kung kinakailangan, pagtatama ng Meta. Tinutulungan kami ng programa na sukatin ang mga pagsisikap sa pag-detect at mas mabilis na ayusin ang mga isyu para mas maprotektahan ang aming komunidad, at ang mga bounty na ibinabayad namin para sa mga kwalipikadong participant ay naghihikayat ng mas mataas na kalidad ng research sa seguridad.

Sa nakaraang 15 taon, naggawad kami ng higit sa $25 milyon sa higit sa 1,400 researcher mula sa 88 bansa para sa pagtulong sa amin na i-detect at ayusin ang mga isyu nang mas mabilis, kasama ang pag-test sa mga produkto at feature bago ilabas ang mga iyon sa aming mga user.

Transparency

Bagaman pinagtibay namin ang ilang proteksyon para magbantay laban sa mga insidente sa privacy (hal., walang pahintulot na pag-access sa personal na data), kung may mangyayaring insidente, naniniwala kami na ang transparency ay isang mahalagang paraan para muling mabuo ang tiwala sa aming mga produkto, serbisyo at proseso. Alinsunod dito, higit pa sa pag-aayos at pagkatuto mula sa aming mga pagkakamali, kasama sa aming program sa Pagma-manage ng Insidente ang mga hakbang para i-notify ang mga tao kung naaangkop, tulad ng isang post sa aming Newsroom o aming blog na Privacy Matters tungkol sa mga isyu na nakakaapekto sa aming komunidad, o pakikipagtulungan sa nagpapatupad ng batas o iba pang opisyal para matugunan ang mga insidenteng nahanap namin.

Bumalik sa itaas

$Litrato ng isang tao na nakikipag-usap sa isang tao na bahagyang wala sa focus sa kanan.$

Pamamahala sa Third-Party

Ang mga third party ay mga external partner na nakikipagnegosyo sa Meta pero hindi pag-aari o pinapatakbo ng Meta. Ang mga third party na ito ay karaniwang nabibilang sa dalawang pangunahing kategorya: ang mga nagbibigay ng serbisyo sa Meta (tulad ng mga vendor na nagbibigay ng suporta sa website design o mga technology solution para bigyan ng kakayahan ang aming negosyo) at ang mga bumubuo ng kanilang mga negosyo gamit ang aming platform (tulad ng mga app o API developer). Para mabawasan ang mga panganib sa privacy na dala ng pakikipagpalitan ng data at personal na impormasyon sa mga third party, bumuo kami ng third party na programa sa pamamahala at pag-manage, na responsable para sa pamamahala sa mga third party na panganib at pagpapatupad ng mga naaangkop sa proteksyon sa privacy.

Mga Third Party na Service Provider

Gumawa rin kami ng proseso sa third party assessment para masuri at mabawasan ng mga service provider ang panganib sa seguridad at privacy. Kailangan ng aming proseso na mapailalim din ang mga service provider na ito sa mga kontrata na may mga proteksyon sa privacy. Tinutukoy ng kanilang profile ng panganib kung paano mino-monitor, muling sinusuri at kung saan naaangkop, kung aling mga aksyon sa pagpapatupad ang gagawin bilang resulta ng mga paglabag, kasama ang pagwawakas ng pakikibahagi.

Mga Third-Party Developer

Bilang bahagi ng patuloy na commitment ng Meta sa pagsulong sa secure at nakatuon sa privacy na developer ecosystem, nag-launch kami ng mga bagong resource at inisiyatiba na idinisenyo para suportahan ang responsableng paggamit ng data at patibayin ang integridad ng aming platform.

Hub ng Mga Inisiyatiba para sa Responsableng Platform: Pinagtutuunan ng aming Hub ng Mga Inisiyatiba para sa Responsableng Platform ang pamamaraan ng Meta sa privacy at seguridad sa aming mga third party developer, na pinagtitibay ang aming commitment sa mga ligtas at responsableng kasanayan sa data sa lahat ng aming platform. Nagbibigay ang hub na ito ng mga resource at komprehensibong patnubay sa aming mga programa na may kaugnayan sa pagsunod, mga responsableng kasanayan sa development at mga tool na tumutulong sa mga developer na sumunod sa mga pamantayan ng Meta sa privacy. Sa pamamagitan ng hub, maaaring ma-access ng mga developer ang mga resource na may kaugnayan sa aming mga patakaran at mga responsableng kasanayan sa platform, na sumusuporta sa mas ligtas at mas transparent na ecosystem.

Pag-access at Pag-renew ng Data: Mayroon kaming pinag-isang proseso para mag-request, mag-manage at mag-renew ng access ng developer sa data, na pinagtitibay ang aming commitment na gawing simple ang platform at bumuo ng mga bagong developer tool. Sa ilalim ng pag-renew ng access sa data, sumasailalim ang mga developer sa isang regular na assessment lang isang beses sa isang taon para kumpirmahin ang patuloy na pagsunod sa mga pamantayan ng Meta sa privacy at proteksyon ng data at Mga Tuntunin ng Platform. Hinihingi ng prosesong sa mga developer na malinaw na muling kumpirmahin ang pagsunod nila sa mga pamantayan ng Meta sa proteksyon ng data at Mga Tuntunin, at bigyang-diin kung paano at bakit ginagamit ang bawat uri ng data.

Anti-Scraping

Ang aming anti-scraping team ay inilaan para ma-detect, maimbestigahan at ma-block ang mga pattern ng gawi na nauugnay sa walang pahintulot na scraping. Ang scraping ay ang naka-automate na pagkolekta ng data mula sa website o app at maaaring may pahintulot o walang pahintulot ito. Paglabag sa aming mga tuntunin ng serbisyo ang paggamit ng automation para mag-access o kumolekta ng data mula sa mga platform ng Meta nang walang pahintulot namin.

Pagpigil at Pagbawas ng Panganib

Patuloy kaming nag-iinvest sa infrastructure at mga tool para gawing mas mahirap para sa mga scraper na makakolekta ng data mula sa aming mga serbisyo at gawing mas mahirap para kumita mula dito kung makuha man nila ito. Kasama sa mga halimbawa ng mga pamumuhunang ito ang mga limitasyon sa rate at limitasyon sa data. Hinahadlangan ng mga limitasyon sa rate kung ilang beses maaaring makipag-interact ang sinuman sa aming mga produkto sa isang tagal ng panahon, habang pinipigilan naman ng mga limitasyon sa data ang mga tao mula sa pagkuha ng higit pa sa data na kailangan nila para gamitin ang aming mga produkto sa karaniwang paraan.

Pag-iimbestiga at Pagpapatupad

Na-block namin ang bilyon-bilyong pinaghihinalaan na hindi awtorisadong aksyon sa scraping kada araw sa Facebook, Instagram at WhatsApp, at gumawa kami ng iba't ibang aksyon laban sa mga hindi awtorisadong scraper kasama ang pag-disable sa mga account at pag-request na i-delete ito ng mga kumpanyang nagho-host ng na-scrape na data.

Bumalik sa itaas

$Ilang tao na nakasandal sa lamesa sa isang setting ng meeting room.$

Pagsusuri ng Panganib

Ang proseso ng Pagsusuri ng Panganib – na kinabibilangan ng pagsusuri ng privacy – ay isang pangunahing bahagi ng pagbuo ng mga bago at na-update na produkto, serbisyo at kasanayan sa Meta. Sa pamamagitan ng prosesong ito, sinusuri namin kung paano gagamitin at poprotektahan ang data bilang bahagi ng mga bago o na-update na produkto, serbisyo at kasanayan. Sinusuri namin ang humigit-kumulang1,800 produkto, feature at kasanayan sa data bawat buwan sa buong kumpanya bago ipadala ang mga ito para suriin at mabawasan ang mga panganib.

Nakatuon ang aming estratehiya sa pag-embed ng daan-daang mataas ang kalidad at reusable na internal na kinakailangan sa aming system ng Pagsusuri ng Panganib na idinisenyo para matugunan ang mga external na inaasahan sa buong mundo. Isa sa halimbawa ng kinakailangan ay ang pag-uutos na kapag ni-request, ide-delete ang data ng user sa loob ng partikular na panahon. Sa paraang ito, maaaring isaalang-alang ng mga product team ang mga panganib sa privacy sa simula ng proseso ng pagbuo ng produkto, at madali nilang maa-apply ang mga kinakailangan para mapanatili ang mga mataas na pamantayan sa pag-comply.

Para makatulong na matiyak na gumagana sa kasanayan ang mga kinakailangang iyon, bumuo kami ng mga pinagsama-sama at pare-parehong teknikal na solusyon para matugunan ang isang partikular na kinakailangan, na may kasamang mga patuloy na pagsusuri sa pag-comply para makumpirma na epektibo ang solusyon.

Para sa mga bagong gawang produkto na maaaring hindi sakop ng mga internal na kinakailangan, tulad ng ilang partikular na produkto at feature ng AI, mayroon kaming matibay na prosesong nakalaan para sa pag-triage ng mga kritikal na desisyon kasama ang mga senior-level na eksperto sa paksa. Pagkatapos, ang mga desisyon ay ginagawang mga kinakailangan.

Bumalik sa itaas

$Wide shot ng limang taong nag-uusap na nakatayo sa harap ng dingding ng mga bintana.$

Mga Teknikal na Investment sa Privacy

Sa pamamagitan ng paglalagay ng privacy sa mga tool at proseso ng Meta, maaaring maisip ng mga team ang tungkol sa privacy sa unang bahagi ng lifecycle ng product development at mas madali at tuloy-tuloy silang makakapaghatid ng mga benepisyo ng privacy para sa aming mga user.

Namumuhunan kami sa mga technological innovation na nagpapalawak at nagpapahusay sa aming pamamaraan sa privacy. Sa pagsasama ng efficiency at scalability ng AI sa nuance at expertise ng human judgment, mas maiintindihan namin ang mga consistent na desisyon na naghahatid ng mga makabagong produkto.

AI para sa Mga Pagsisikap sa Pag-comply

Naniniwala kami na ang natural na ebolusyon ng pamamahala ng panganib – na dating manual at nakakaubos ng oras na proseso – ay gumagamit ng advanced AI at automation technology para makatulong na maghatid ng mas maraming consistent na benepisyo sa privacy para sa aming mga user. Sa pamamagitan ng pag-automate sa mga karaniwang aspeto ng risk management, nagkakaroon ng mas maraming panahon ang aming mga eksperto sa privacy na magtuon sa mga bago, kumplikado o tumitinding hamon sa regulasyon sa buong product development – hindi lang bago ang produksyon. Ang aming trabaho ay batay sa pilosopiya na ang AI at mga tao ay may mga sariling natatanging kwalipikasyon, at sa pamamagitan ng epektibong pagsasama-sama ng mga ito, maaari naming i-optimize ang naaangkop na level ng collaboration ng AI at tao na kinakailangan ng bawat task sa pag-comply.

Nakaatas sa ang aming team ang pagsasama ng AI at automation na partikular na para sa pag-comply, at naghatid sila ng mga breakthrough na kakayahan para magdala ng higit na consistency at bisa sa aming pagma-manage ng panganib. Halimbawa, ang pag-automate ng pagtukoy ng mga kilalang panganib at mga pagbawas ng panganib para matiyak ang mga pare-parehong pamantayan ay tumutulong na bigyan ng kakayahan ang aming mga eksperto na gumawa ng mga tamang desisyon sa pagtukoy at pagbawas ng panganib. Dagdag pa rito, maagap na nakikita ng mga mekanismo sa pag-detect na pinapagana ng AI ang code na maaaring hindi sumusunod, na pinoprotektahan ang aming mga operation.

Infrastructure na May Kamalayan sa Privacy

Patuloy naming pinapahusay at binubuo ang aming infrastructure na may kamalayan sa privacy — mga makabago at mahusay na paggawa na kasama sa mga infrastructure solution ng Meta na nagpapahintulot sa mga engineer na mas madaling matugunan ang mga kumplikadong kinakailangan sa privacy habang bumubuo sila ng mga produkto. Direktang inilalagay ng infrastructure na may kamalayan sa privacy ang mga rule sa privacy sa code, na tumutulong na matiyak na awtomatikong sinusunod ang mga kinakailangan. Halimbawa, bumuo kami ng Mga Policy Zone na naaangkop sa aming infrastructure para matugunan ang mga paghihigpit sa data, tulad ng paggamit lang nito para sa mga pinapayagang layunin, na nagbibigay ng mga matibay na garantiya para sa paglilimita ng mga layunin ng pagpoproseso nito. Patuloy na mahalaga ang PAI sa pagpapatupad ng mga kumplikadong senaryo sa paglilimita ng layunin habang tinitiyak ang scalability, pagiging maaasahan at naka-streamline na developer experience.

$Isang larawan mula sa baywang pataas ng isang tao na may hawak na tasa ng kape at nakatingin sa kanyang telepono habang nakangiti.$

Mga Resulta ng Produkto sa Privacy

Kami ay naging kumpanya sa paggawa ng produkto na inuuna ang privacy, na tinitiyak na mula sa simula hanggang sa paghahatid, ang anumang produkto o feature ay isinasaalang-alang ang mga implikasyon sa privacy mula sa simula. Bahagi ito ng aming commitment na maghatid ng privacy sa mga bagong innovation ng produkto at mga update sa mga dati nang produkto. Para patibayin ang commitment na ito, mahalagang bahagi ng pag-evaluate sa performance ang Privacy para sa aming mga engineering team.

Makikita mo ito sa maraming halimbawa ng mga produktong na-ship namin:

Pag-encrypt nang Magkabilaan sa Pagme-message

Mula pa noong 2016, pinoprotektahan na ang mga personal na pag-uusap sa WhatsApp sa pamamagitan ng pag-encrypt nang magkabilaan, na nangangahulugang walang sinuman mula sa labas ng mga chat ng user, kahit ang WhatsApp o meta ang maaaring makabasa ng, makarinig sa o magbahagi ng mga ito. Simula 2023, naglalabas din kami ng default na pag-encrypt nang magkabilaan para sa lahat ng personal na one-to-one na chat at tawag sa Messenger, na ginagawang mas pribado at ligtas ang mga ito.

Inabot ito nang maraming taon para maihatid dahil naglaan kami ng oras para magawa ito nang tama. Walang tigil na nagtrabaho ang aming mga engineer, cryptographer, designer, eksperto sa patakaran at product manager para muling bumuo ng mga feature ng Messenger mula sa simula. Ang pag-enable sa pag-encrypt nang magkabilaan sa Messenger ay nangangahulugan na pangunahing muling pagbuo sa maraming aspeto ng mga protokol ng application para mapahusay ang privacy, seguridad, at kaligtasan habang sabay na pinapanatili ang mga feature na naging dahilan para maging napakasikat ng Messenger. Ang aming pamamaraan ay gamitin ang mga natutunan dati mula sa WhatsApp at Mga Sikretong Pag-uusap ng Messenger (maagang opsyonal na ino-offer sa pag-encrypt nang magkabilaan ng Messenger), at pagkatapos ay balikan ang aming mga pinakamahirap na problema tulad ng multi-device na kakayahan, suporta sa feature, message history, at web support. Sa prosesong ito, nagpakilala kami ng mga bagong feature sa privacy, kaligtasan at control tulad ng app lock at mga kontrol sa pag-deliver na pinapayagan ang mga tao na piliin kung sino ang pwedeng mag-message sa kanila, habang pinapaganda ang mga dati nang feature sa kaligtasan tulad ng pagre-report, pag-block at mga message request. Ginawa rin naming mas madali ang pag-opt in sa mga backup na naka-encrypt nang magkabilaan sa pamamagitan ng pagpapakilala ng mga backup na encrypted ng passkey, na nagbibigay-daan sa mga user na i-encrypt ang kanilang mga backup gamit ang kanilang mukha, fingerprint, o pin code ng device – sa parehong paraan na ina-unlock nila ang kanilang device.

Pinakamahalaga rito, ang pag-encrypt nang magkabilaan ay tungkol sa pagprotekta sa mga komunikasyon ng mga tao, para maging ligtas ang pakiramdam nila sa pagpapahayag ng kanilang mga sarili sa kanilang mga kaibigan at mahal sa buhay. Malapit kaming nakikipagtulungan sa mga eksperto sa labas, academics, advocate at gobyerno para matukoy ang mga panganib at bumuo ng mga pagpigil para matiyak na magkaagapay ang privacy at kaligtasan. Gumamit kami ng hiwalay na pagsusuri ng epekto sa mga karapatang pantao at idinisenyo namin ang aming mga produkto para mapigilan ang pinsala dahil sa disenyo, nagbigay kami ng mga matibay na user control at nag-invest kami sa maagap na pagtukoy ng pang-aabuso.

Mga Wearable

May built-in na Meta AI ang AI glasses ng Meta, at hinahayaan ka nitong kumuha ng litrato o mag-record ng video mula sa iyong natatanging point of view, makinig sa music o tumanggap ng tawag—lahat nang hindi kailangang ilabas ang iyong telepono, para hindi mo kailangang pumili sa pagitan ng pag-capture sa sandali at pag-experience nito.

Ang AI Glasses ng Meta ay binuo nang binibigyan ng priority ang privacy, na ipinapakita ang aming commitment sa responsableng innovation at privacy ayon sa disenyo. Isinama namin ang feedback ng stakeholder—na nakuha namin dati noong ni-launch namin ang unang bersyon ng glasses na ito, ang Ray-Ban Stories—sa makabuluhan at tangible na paraan.

Ang capture LED ay isang nakikitang ilaw na ipinapaalam sa iba kapag ginagamit ang AI Glasses para kumuha ng mga litrato at mag-record ng mga video, para sa gallery o pag-stream ng user.
Naka-configure ang glasses sa paraang hindi makakakuha ang mga user ng mga litrato o video habang ganap na natatakpan ang capture LED. Kung ganap na natatakpan ang capture LED, hindi magagamit ng user ang camera at aabisuhan siya na alisin ang takip bago magpatuloy.
Nag-publish kami ng updated na white paper na ipinapaliwanag ang aming pamamaraan sa bystander signaling para sa active capture at mga feature ng AI.
Pinoproseso ang data ng wrist sensor (kasama ang EMG data) mula sa Meta Neural Band nang lokal sa mga device ng user para i-enable ang pagkontrol ng AI Glasses. Pwedeng piliin ng mga user na i-share ang kanilang data ng wrist sensor sa Meta, kung nakakaranas sila ng isyu sa kanilang Meta Neural Band. Patuloy na nagbibigay ang Meta AI app ng madaling access sa mga setting ng privacy para ma-manage ang impormasyon at karagdagang data sharing sa Meta.

Mga Teen Account

Awtomatikong ilalagay ang mga teenager sa Mga Teen Account, at ang mga teenager na wala pang 16 ay kailangan ng pahintulot ng magulang para baguhin ang anumang default na built-in na proteksyon para gawin itong hindi gaanong mahigpit. Ang mga feature ng Mga Teen Account na ito ay kasalukuyang inilalabas sa buong mundo sa Instagram, Facebook, at Messenger.

Meta AI sa WhatsApp

Pinahusay din namin ang Pribadong Pagpoproseso para sa Meta AI sa WhatsApp, na binuo sa pinakamataas na Trusted Execution Environment (TEE). Nagbibigay-daan ang Pribadong Pagpoproseso sa mga user na idirekta ang Meta AI na iproseso ang kanilang mga request sa secure at pribadong cloud environment kung saan walang sinuman, kahit ang Meta o WhatsApp, ang maaaring maka-access sa kanilang mga personal na message. Pinapatakbo ng teknolohiyang ito ang ilang partikular na opsyonal na feature ng Meta AI sa WhatsApp, gaya ng pagbuod ng mga message at pagbibigay ng tulong sa pagsusulat. Pagkatapos tumugon ng Pribadong Pagpoproseso sa isang request, hindi sino-store ang mga message.

Bakit Ko Nakikita ang Ad Na Ito

Ang aming tool na “Bakit ko nakikita ang ad na ito?” ay patuloy na tinutulungan ang mga tao na maintindihan kung bakit nila nakikita ang mga ad na nakikita nila sa mga Facebook at Instagram feed. Ang isang mahalagang update ay i-summarize ang impormasyon sa mga paksa tungkol sa kung paano mabibigyan ng impormasyon ng aktibidad sa loob at labas ng aming mga teknolohiya—tulad ng pag-like ng post sa Facebook page ng kaibigan o pagbisita sa website ng sports—ang mga machine learning model na ginagamit namin para bumuo at magpakita ng mga ad. Patuloy din kaming nagpapakilala ng mga bagong halimbawa at larawan na nagpapaliwanag kung paano kumokonekta ang aming mga maching learning model sa iba’t ibang paksa para magpakita ng mga may kaugnayang ad.

Meta Content Library at Mga AI Tool

Ang Meta Content Library at Content Library API ay mga research tool na nagbibigay sa mga kwalipikadong tao ng access sa naka-public na content mula sa Facebook, Instagram at Threads. Maaaring hanapin, i-explore at i-filter ng mga tao ang data sa parehong graphical user interface o sa pamamagitan ng programmatic API.

Kasama sa accessible data ang mga post mula sa Mga Facebook Page, group, event, fundraiser, marketplace listing, at mga profile, post at story mula sa mga Instagram account, fundraiser at message mula sa mga channel, at post mula sa mga Threads profile. Available rin ang mga detalye tungkol sa content, tulad ng bilang ng mga reaksyon, pag-share, comment at view sa post.

Nag-launch ang Meta ng partnership sa Secure Data Access Center (CASD, Le Centre d’Accès Sécurisé aux Données), at bilang bahagi ng aming collaboration, hiwalay na susuriin ang mga mungkahi sa research para ma-access ang Meta Content Library. Tinitiyak ng kanilang pandaigdigang pamumuno na ang mga pinakamataas na pamantayan ng integridad at seguridad ay pinapanatili sa buong proseso ng pagsusuri at tinitiyak na ang mga aplikante sa Meta Content Library ay patuloy na makakatanggap ng evaluation na hiwalay at pinangungunahan ng eksperto. Tanda ito ng paglipat mula sa Social Media Archive (SOMAR) ng University of Michigan bilang aming independent na vetting partner. Nagpapasalamat kami sa husay at dedikasyon na ipinakita nila sa proseso ng pagsusuri ng application.

Para sumabay sa aming partnership sa CASD, magsa-submit na ngayon ang mga researcher ng mga application para ma-access ang Meta Content Library sa pamamagitan ng aming bagong ni-launch na application portal na hino-host ng Meta, ang Research Tools Manager. Ang application infrastructure na ito ay binuo para pahusayin ang onboarding at support experience para sa mga bagong applicant at mga dati nang researcher.

Pagtuturo sa Mga Tao Tungkol sa Privacy

Kasama sa aming gawain na makipag-communicate nang transparent ang pagbibigay ng external na edukasyon para mapabuti ang pag-unawa at kamalayan ng mga tao sa aming mga kasanayan at pagtiyak na naa-access at madaling mahanap ang impormasyon.

Ang Patakaran sa Privacy, na nagdedetalye sa kung paano namin kinokolekta, ginagamit, ibinabahagi, pinapanatili at tina-transfer ang impormasyon, pati rin kung anong mga karapatan at kontrol ang mayroon ang mga tao sa kanilang privacy.
Ang Privacy Center, kung saan pwedeng pumunta ang mga tao para mas maunawaan ang aming mga kasanayan para makagawa sila ng mga desisyon tungkol sa kanilang privacy batay sa impormasyon sa paraang tama para sa kanila. Sa pamamagitan ng edukasyon at access sa mga kontrol sa privacy at seguridad, tinutugunan namin ang ilan sa mga pinakakaraniwang alalahanin sa privacy mula sa bilyon-bilyong tao na naglalaan ng kanilang oras kasama namin araw-araw. Maraming module ang Privacy Center kasama ang pagbabahagi, pagkolekta, paggamit, seguridad, kabataan, generative AI, at mga ad, para direktang ikonekta ang isyu o alalahanin sa mga nauugnay na kontrol sa privacy at seguridad na binuo namin sa aming mga app at serbisyo sa paglipas ng mga taon.
Ang Seksyon ng Data at Privacy ng Newsroom, kung saan nagbibigay kami ng higit pang impormasyon tungkol sa kung paano namin pinapamahalaan ang privacy sa konteksto ng mga partikular na feature o isyu.
Mga karagdagang materyal na pang-edukasyon. Nakatuon kami sa pagtulong sa mga user na maunawaan ang aming mga kasanayan sa data at regular kaming nagpapakilala ng mga bagong resource para sa pag-aaral. Nag-launch kami ng bagong animated video na malinaw na ipinapaliwanag kung paano gumagana ang organic na pag-personalize at ipinapakita ang mga privacy control na available sa mga user. Ipinapakilala rin ng video ang tungkulin ng AI sa pagpapahusay ng pag-personalize. Sa pagdaragdag ng video na ito sa aming mga umiiral na resource sa pag-personalize, nilalayon naming dagdagan ang kamalayan tungkol sa mga kontrol ng user at patibayin ang dedikasyon ng Meta sa transparency.

Pagbibigay sa Mga Tao ng Higit na Access at Kontrol sa Kanilang Impormasyon

Para magbigay ng higit na transparency at control sa mga tao, bumuo kami ng maraming privacy tool para maunawaan ng mga tao kung ano ang ibinabahagi nila at paano ginagamit ang impormasyon nila kasama ang:

Pag-check sa Privacy: Ginagabayan ang mga tao sa pamamagitan ng mahahalagang setting ng privacy at seguridad sa Facebook para tumulong na patibayin ang seguridad ng account at i-manage kung sino ang makakakita ng ibinibahagi nila at kung paano ginagamit ang kanilang impormasyon. Ang Pag-check sa Privacy ay mayroong limang natatanging paksa para tulungan ang mga tao na makontrol kung sino ang makakakita ng ibinabahagi nila, kung paano ginagamit ang kanilang impormasyon at kung paano patitibayin ang seguridad ng kanilang account.
- Ang Sino ang Makakakita sa Ibinabahagi Mo ay tinutulungan ang mga tao na masuri kung sino ang makakakita ng kanilang impormasyon sa profile, tulad ng kanilang phone number at email address, pati rin ng kanilang mga post.
- Tinutulungan ng Paano Pananatilihing Secure ang Iyong Account ang mga tao na patibayin ang seguridad ng kanilang account sa pamamagitan ng pag-set ng mas matibay na password at pag-on sa two-factor authentication.
- Ang Paano Ka Mahahanap ng Mga Tao sa Facebook ay pinapayagan ang mga tao na masuri ang mga paraan na maaari kang hanapin ng mga tao sa Facebook at kung sino ang pwedeng magpadala sa iyo ng mga friend request.
- Ang Iyong Mga Setting ng Data sa Facebook ay pinapayagan ang mga tao na masuri ang impormasyong ibinabahagi nila sa mga app na nag-log in sila gamit ang Facebook. Maaari rin nilang alisin ang mga app na hindi na nila ginagamit.
- Ang Mga Ad Preference Mo sa Facebook ay nagbibigay ng impormasyon tungkol sa kung paano gumagana ang mga ad sa aming Mga Produkto, hinahayaan nito ang mga tao na magpasya kung anong impormasyon sa profile ang maaaring gamitin ng mga advertiser para magpakita sa kanila ng mga ad, at nagbibigay-daan ito sa kanila na makontrol kung sino ang makakakita ng kanilang mga social interaction, tulad ng mga pag-like, kasama ang mga ad.
I-manage ang Aktibidad: Pinapayagan ang mga tao na i-manage ang mga post nang maramihan gamit ang mga filter para tulungan kang ayusin at hanapin ang content na hinahanap nila, i-like ang mga post na may partikular na tao o mula sa partikular na range ng petsa. Kasama din dito ang kontrol sa pag-delete na nagbibigay ng mas permanenteng opsyon, para mailipat ng mga tao ang mga lumang post sa trash nang maramihan. Pagkatapos ng 30 araw, made-delete ang mga post na ipinadala sa trash, maliban kung piliin nilang manual na i-delete o i-restore ang mga ito bago iyon. Maa-access mo ang feature na ito sa pamamagitan ng pagpunta sa Log ng Aktibidad sa Facebook at Iyong Aktibidad sa Instagram.
Accounts Center: Ang Accounts Center ay ang lugar para tulungan ang mga tao na ma-manage ang mga connected experience at baguhin ang mga setting ng account sa kanilang mga Facebook, Instagram, WhatsApp at Meta account. Pwedeng piliin ng mga tao na magdagdag ng mga Facebook, Instagram, WhatsApp, at Meta account sa parehong Accounts Center, na nagpapahintulot sa kanilang:
- I-manage ang mga connected experience sa lahat ng mga account sa parehong Accounts Center, tulad ng magkakasabay na pagbabahagi ng mga post o story sa maraming profile, at pag-log in sa iba’t ibang account. Alamin pa.
- I-manage ang mga indibidwal na setting para sa bawat account sa Accounts Center, tulad ng mga personal na detalye, password at seguridad, at iyong impormasyon at mga pahintulot. Alamin pa.
  - I-download ang Iyong Impormasyon at I-access ang Iyong Impormasyon: Sa mga setting ng Accounts Center, nagbibigay ang Meta ng mga tool para gawing kapaki-pakinabang at madaling mahanap ang impormasyon ng mga tao sa aming mga produkto, tulad ng Log ng Aktibidad, I-access ang Iyong Impormasyon at I-download ang Iyong Impormasyon.
- Magkakasabay na i-manage ang mga setting sa lahat ng account kung nasa parehong Accounts Center ang mga ito, tulad ng mga ad preference at aktibidad sa labas ng Meta technologies (na nagbibigay ng summary ng aktibidad na ibinabahagi sa amin ng mga negosyo at organisasyon tungkol sa mga interaction ng mga tao, tulad ng pagbisita sa kanilang mga app o mga website, at binibigyan ang mga tao ng opsyon na i-disconnect ang kanilang nakaraang aktibidad sa account nila). Alamin pa.
- Para sa mga user ng WhatsApp, opsyonal ang pagdaragdag ng kanilang WhatsApp account sa Accounts Center, at pwede itong mag-unlock ng mga connected experience sa mga app, tulad ng madaling pagbabahagi ng iyong WhatsApp Status sa Mga Story sa Instagram o Facebook. Kung pipiliin mo ang opsyong ito, protektado pa rin ang iyong mga personal na message at tawag gamit ang end-to-end na pag-encrypt, na ang ibig sabihin ay walang sinuman sa labas ng chat, kahit ang WhatsApp o Meta ang maaaring makabasa ng, makinig sa o mag-share ng mga ito.
Meta Quest at Meta Horizon:
- Mga setting ng Social Privacy: Pwede mong piliin kung gaano ka-social mo gustong maging at kung paano ibinabahagi ang iyong impormasyon sa iba sa pamamagitan ng mga setting ng privacy mo. Pwede mong gawing naka-public o pribado ang iyong Meta Horizon profile, nagbibigay-daan sa iyo ang iyong Online Status na makontrol kung ibabahagi kapag online ka o nag-online ka kamakailan, at hinahayaan ka ng Itago ang aktibidad sa app na i-hide ang iyong aktibidad para sa mga partikular na app. Ang mga setting ng privacy na ito ay simple at madaling ma-access mula sa iyong Quest headset o sa Horizon app.
- Privacy Indicator at History ng Mga Pahintulot: Ang privacy indicator na ipinapaalam sa iyo kapag kasalukuyang ginagamit ang ilang partikular na feature na may kaugnayan sa privacy—at kung alin sa mga app sa iyong library ang kasalukuyang gumagamit ng mga ito. Kasama rito ang iyong mikropono, lokasyon, spatial data, pag-track sa mata (para sa Quest Pro lang), at Natural na Mga Facial Expression (para sa Quest Pro lang). Ipinapakita rin ng feature na History ng Mga Pahintulot kung alin sa iyong mga naka-install na app ang nag-access sa iyong mikropono, lokasyon, spatial data, pag-track sa mata (para sa Quest Pro lang), Natural na Mga Facial Expression (para sa Quest Pro lang), at storage data, sa nakalipas na pitong araw.
- Mga Account na Mina-manage ng Magulang: Pwedeng mag-set up ang mga magulang ng mga Meta account na mina-manage ng magulang para sa 10-12 taong gulang (maaaring mag-iba ang mga edad depende sa lokasyon), na nagpapahintulot sa mga teenager na ma-access ang malawak na hanay ng nakakawili at pang-edukasyong content sa VR – na may kasamang mga proteksyon na angkop sa edad na ginawa para lang sa kanila.

Patuloy na Commitment sa Privacy

Nakatuon kami sa privacy at committed kami sa patuloy na pagpapahusay.

“Ang pagtatama sa privacy ay isang tuloy-tuloy at sama-sama na pamumuhunan sa aming buong kumpanya, at ang responsibilidad ng lahat sa Facebook para isulong ang aming layunin.”

– Michel Protti, Chief Privacy at Compliance Officer, Produkto

Mahalaga ang pagprotekta sa data at privacy ng mga user sa aming business at sa aming plano sa hinaharap. Para gawin ito, patuloy naming nire-refine at pinapahusay ang aming privacy program at ang aming mga produkto, habang tinutugunan namin ang mga nagbabagong inaasahan at development sa teknolohiya—nakikipagtulungan kami sa mga gumagawa ng policy at eksperto sa pagprotekta ng data para maghanap ng mga solusyon sa mga hindi karaniwang hamon—at ibinabahagi namin ang aming progreso sa paggawa nito.

Bumalik sa itaas