ទំនិញនិងសេវាកម្មដែលស្ថិតក្រោមការរឹតត្បិត

ព័ត៌មានលម្អិតអំពីគោលការណ៍
បទ​ពិសោធអ្នកប្រើប្រាស់
ទិន្នន័យ

ព័ត៌មានលម្អិតអំពីគោលការណ៍

ផ្លាស់ប្ដូរកំណត់ហេតុ
មូលហេតុនៃគោលនយោបាយ
ដើម្បីជំរុញឱ្យមានសុវត្ថិភាពនិងទប់ស្កាត់សកម្មភាពដែលអាចបង្កគ្រោះថ្នាក់ យើងហាមឃាត់ការប៉ុនប៉ងដោយបុគ្គល ក្រុមហ៊ុនផលិត និងអ្នកលក់រាយ ដើម្បីទិញ លក់ ចាប់រង្វាន់ ផ្ដល់អំណោយ ផ្ទេរ ឬធ្វើពាណិជ្ជកម្មលើទំនិញនិងសេវាកម្មមួយចំនួននៅលើថ្នាលរបស់យើង។ យើងមិនអត់ឱនចំពោះការផ្លាស់ប្តូរ ឬការលក់ថ្នាំណាមួយដែលអាចបណ្តាលឱ្យមានការប្រើប្រាស់សារធាតុញៀនដែលគ្របដណ្តប់ក្រោមគោលការណ៍របស់យើងខាងក្រោមឡើយ។ អ្នកលក់ជាក់ស្ដែងនិងអ្នកលក់រាយតាមអនឡាញអាចផ្សព្វផ្សាយទំនិញជាអាវុធ គ្រឿងស្រវឹង និងថ្នាំជក់ដែលមានសម្រាប់លក់នៅក្រៅសេវាកម្មរបស់យើង។ ទោះយ៉ាងណាក៏ដោយ យើងរឹតត្បិតលើលទ្ធភាពមើលឃើញនៃមាតិកានេះសម្រាប់អនីតិជន។ យើងអនុញ្ញាតឱ្យមានការពិភាក្សាអំពីការលក់ទំនិញទាំងនេះនៅក្នុងហាង ឬដោយអ្នកលក់រាយតាមអនឡាញ ដោយគាំពារដល់ការផ្លាស់ប្តូរនិយតកម្មនៃទំនិញនិងសេវាកម្មដែលមាននៅក្នុងគោលការណ៍នេះ និងការគាំពារដល់ឬទាក់ទងនឹងការប្រើប្រាស់ឱសថក្នុងបរិបទព្យាបាលខាងវេជ្ជសាស្ត្រ រួមទាំងការពិភាក្សាអំពីផលរំខានផ្លូវកាយឬផ្លូវចិត្ត។
ទំនិញនិងសេវាកម្មដែលស្ថិតក្រោមការរឹតត្បិត មានប្រភេទដូចខាងក្រោម៖
  • ថ្នាំ និងឱសថ
  • សព្វាវុធ គ្រាប់រំសេវ ឬគ្រឿងផ្ទុះ
  • ថ្នាំជក់ និងផលិតផលពាក់ព័ន្ធ
  • គ្រឿងស្រវឹង
  • សុខភាព និងសុខុមាលភាព
  • ការលេងល្បែងស៊ីសង និងហ្គេមអនឡាញ
  • ប្រភេទសត្វជិតផុតពូជ និងត្រូវបានការពារ (សត្វព្រៃនិងរុក្ខជាតិ)
  • វត្ថុបុរាណប្រវត្តិសាស្ត្រ
  • ទំនិញនិងសម្ភារៈគ្រោះថ្នាក់
  • ផ្នែករាងកាយ និងសារធាតុរាវចេញពីរាងកាយ
ប្រភេទនីមួយៗត្រូវបានរៀបរាប់លម្អិតខាងក្រោម។
ថ្នាំ និងឱសថ
យើងមិនអនុញ្ញាត៖
ឱសថដែលមានហានិភ័យខ្ពស់ (ឱសថដែលមានសក្តានុពលខ្ពស់សម្រាប់ការប្រើប្រាស់មិនត្រឹមត្រូវ ការញៀន ឬពាក់ព័ន្ធនឹងហានិភ័យសុខភាពធ្ងន់ធ្ងរ រួមទាំងការប្រើលើសកម្រិត ឧ. កូកាអ៊ីន ហ្វេតានីល ហេរ៉ូអ៊ីនជាដើម)។
មាតិកាដែល៖
  • ប៉ុនប៉ងទិញ លក់ ជួញដូរ សម្របសម្រួលពាណិជ្ជកម្ម បរិច្ចាគ ផ្ដល់អំណោយ ឬស្នើសុំឱសថដែលមានហានិភ័យខ្ពស់។
  • ទទួលស្គាល់ការទិញ ការជួញដូរ ឬសម្របសម្រួលការជួញដូរឱសថដែលមានហានិភ័យខ្ពស់​តាមរយៈការបង្ហោះមាតិកាដោយខ្លួនឯង ឬតាមរយៈអ្នកដទៃ។
  • ទទួលស្គាល់ការប្រើប្រាស់ផ្ទាល់ខ្លួន ដោយមិនបានដឹងឬគ្មានអំណះអំណាងលើការជាសះស្បើយ ការព្យាបាល ឬជំនួយដទៃទៀត ដើម្បីប្រយុទ្ធប្រឆាំងនឹងការប្រើប្រាស់។ មាតិកានេះអាចនឹងមិននិយាយជាវិជ្ជមានអំពី លើកទឹកចិត្តឱ្យប្រើប្រាស់ សម្របសម្រួល ឬផ្ដល់ការណែនាំដើម្បីផលិត ឬប្រើប្រាស់ឱសថដែលមានហានិភ័យខ្ពស់។
  • សម្របសម្រួល ឬផ្សព្វផ្សាយ (ក្នុងន័យសំដៅដល់ការនិយាយជាវិជ្ជមានអំពី លើកទឹកចិត្តឱ្យប្រើប្រាស់ ឬផ្ដល់ការណែនាំអំពីការប្រើប្រាស់ឬផលិត) ឱសថដែលមានហានិភ័យខ្ពស់។
  • កំណត់ចំណាំ៖ ការជជែកវែកញែក ឬការតស៊ូមតិដើម្បីភាពស្របច្បាប់ ឬការពិភាក្សាអំពីគុណសម្បត្តិផ្នែកវិទ្យាសាស្ត្រ ឬផ្នែកវេជ្ជសាស្ត្ររបស់ថ្នាំដែលមានហានិភ័យខ្ពស់ត្រូវបានអនុញ្ញាត។ ចំណុចនេះ​រួម​បញ្ចូល​ទាំងសេចក្ដី​ប្រកាស​ព័ត៌មាន និង​សេវា​សាធារណៈ។
ឱសថមិនមែនវេជ្ជសាស្ត្រ (ឱសថ ឬសារធាតុដែលមិនត្រូវបានប្រើសម្រាប់គោលបំណងវេជ្ជសាស្ត្រដែលមានគោលបំណង ឬត្រូវបានប្រើដើម្បីសម្រេចភាពរង្វេងស្មារតី - ចំណុចនេះរួមបញ្ចូលទាំងសារធាតុគីមីផ្សំ ឬសារធាតុដែលត្រូវបានប្រើសម្រាប់ការផលិតឱសថទាំងនេះ)។
មាតិកាដែល៖
  • ប៉ុនប៉ងទិញ លក់ ជួញដូរ សម្របសម្រួលពាណិជ្ជកម្ម បរិច្ចាគ ផ្ដល់អំណោយ ឬស្នើសុំឱសថមិនមែនវេជ្ជសាស្ត្រ។
  • ទទួលស្គាល់ការទិញ ការជួញដូរ ឬសម្របសម្រួលការជួញដូរឱសថមិនមែនវេជ្ជសាស្ត្រតាមរយៈការបង្ហោះមាតិកាដោយខ្លួនឯង ឬតាមរយៈអ្នកដទៃ។
  • ទទួលស្គាល់ការប្រើប្រាស់ផ្ទាល់ខ្លួន ដោយមិនបានដឹងឬគ្មានអំណះអំណាងលើការជាសះស្បើយ ការព្យាបាល ឬជំនួយដទៃទៀត ដើម្បីប្រយុទ្ធប្រឆាំងនឹងការប្រើប្រាស់។ មាតិកានេះអាចនឹងមិននិយាយជាវិជ្ជមានអំពីការលើកទឹកចិត្តឱ្យប្រើប្រាស់ ការសម្របសម្រួល ឬផ្ដល់ការណែនាំដើម្បីផលិត ឬប្រើប្រាស់ឱសថមិនមែនវេជ្ជសាស្ត្រ។
  • សម្របសម្រួល ឬផ្សព្វផ្សាយ (ក្នុងន័យសំដៅដល់ការនិយាយវិជ្ជមានអំពីការលើកទឹកចិត្តឱ្យប្រើប្រាស់ ឬផ្ដល់ការណែនាំអំពីការប្រើប្រាស់ឬផលិត) ឱសថមិនមែនវេជ្ជសាស្ត្រ។
  • ការប៉ុនប៉ងលក់ ឬផ្សព្វផ្សាយគ្រឿងបរិក្ខារឱសថដែលមិនមែនវេជ្ជសាស្ត្រ។
  • មានទំនិញដែលបង្ហាញអំពីឱសថដែលមិនមែនវេជ្ជសាស្ត្រ។
ឱសថដែលមានវេជ្ជបញ្ជា (ឱសថដែលត្រូវការវេជ្ជបញ្ជា ឬអ្នកជំនាញខាងវេជ្ជសាស្រ្ដក្នុងការប្រើប្រាស់)
មាតិកាដែល៖
  • ប៉ុនប៉ងទិញ លក់ ឬជួញដូរឱសថតាមវេជ្ជបញ្ជា លើកលែងតែនៅពេល៖
    • ការរាយបញ្ជីតម្លៃវ៉ាក់សាំងក្នុងបរិបទអប់រំ ឬការពិភាក្សាច្បាស់លាស់ នៅពេលដែលមានការរឹតត្បិតចំពោះមនុស្សពេញវ័យដែលមានអាយុ 18 ឆ្នាំឡើងទៅ។
    • ការផ្ដល់ជូនការចែកចាយនៅពេលប្រកាសដោយអាជីវកម្មអេឡិចត្រូនិកផ្នែកថែទាំសុខភាពស្របច្បាប់ នៅពេលដែលមានការរឹតត្បិតចំពោះមនុស្សពេញវ័យដែលមានអាយុ 18 ឆ្នាំឡើងទៅ។។ មាតិកានេះក៏ត្រូវតែរួមបញ្ចូលសេចក្ដីប្រកាស​មិនទទួលខុសត្រូវផងដែរ ដើម្បីពិគ្រោះជាមួយអ្នកជំនាញសុខភាពដែលមានអាជ្ញាបណ្ណ ឬទទួលបានវេជ្ជបញ្ជាដែលមានសុពលភាព។
  • ប៉ុនប៉ងបរិច្ចាគ ឬផ្ដល់ជាអំណោយឱសថតាមវេជ្ជបញ្ជា លើកលែងតែក្នុងករណីមានវិបត្តិសេដ្ឋកិច្ច សុខភាព សង្គម ឬគ្រោះមហន្តរាយធម្មជាតិ។
  • ស្នើសុំឱសថតាមវេជ្ជបញ្ជា លើកលែងតែនៅពេលដែលមាតិកាពិភាក្សាអំពីលទ្ធភាពទទួលបាន ភាពអាចរកបាន ប្រសិទ្ធផលនៃឱសថតាមវេជ្ជបញ្ជាក្នុងបរិបទវេជ្ជសាស្ត្រ។
  • កំណត់ចំណាំ៖ ការជជែកវែកញែក ឬការតស៊ូមតិដើម្បីភាពស្របច្បាប់ ឬការពិភាក្សាអំពីគុណសម្បត្តិផ្នែកវិទ្យាសាស្ត្រ ឬផ្នែកវេជ្ជសាស្ត្ររបស់ឱសថដែលមានវេជ្ជបញ្ជាត្រូវបានអនុញ្ញាត។ ចំណុចនេះ​រួម​បញ្ចូល​ទាំងសេចក្ដី​ប្រកាស​ព័ត៌មាន និង​សេវា​សាធារណៈ។
អង់ទីហ្សែន
  • មាតិកាដែលប៉ុនប៉ងទិញ លក់ ជួញដូរ បរិច្ចាគ ឬផ្ដល់អំណោយ ឬសុំសារធាតុអង់ទីហ្សែន។
  • កំណត់ចំណាំ៖ ការជជែកវែកញែក ឬការតស៊ូមតិដើម្បីភាពស្របច្បាប់ ឬការពិភាក្សាអំពីគុណសម្បត្តិផ្នែកវិទ្យាសាស្ត្រ ឬផ្នែកវេជ្ជសាស្ត្ររបស់អង់ទីហ្សែនត្រូវបានអនុញ្ញាត។
កញ្ឆា និងផលិតផលដែលផលិតពីកញ្ឆា
  • មាតិកាដែលប៉ុនប៉ងទិញ លក់ ជួញដូរ បរិច្ចាគ ឬផ្ដល់អំណោយ ឬស្នើសុំកញ្ឆានិងផលិតផលដែលមាន THC ឬសមាសធាតុដែលមានឥទ្ធិពលលើសតិអារម្មណ៍ពាក់ព័ន្ធ។
សម្រាប់មាតិកាខាងក្រោម ក្រុមហ៊ុនរឹតត្បិតលើភាពអាចមើលឃើញចំពោះមនុស្សពេញវ័យដែលមានអាយុ 18 ឆ្នាំឡើងទៅ៖
អង់ទីហ្សែន
  • មាតិកាដែលបង្ហាញពីការទទួលយកការប្រើប្រាស់ផ្ទាល់ខ្លួន សម្របសម្រួល ឬផ្សព្វផ្សាយ (ដែលយើងមានន័យថានិយាយជាវិជ្ជមានអំពី) ឬលើកទឹកចិត្តដល់ការប្រើប្រាស់សារធាតុអង់ទីហ្សែន។
    • លើកលែងតែករណីណាមួយខាងលើកើតឡើងនៅក្នុងបរិបទបែបប្រឌិត ឬបរិបទឯកសារអប់រំ។
កញ្ឆា និងផលិតផលដែលផលិតពីកញ្ឆា
  • មាតិកាដែលសម្របសម្រួល ឬផ្សព្វផ្សាយ (ក្នុងន័យសំដៅដល់ការនិយាយជាវិជ្ជមានអំពី ការលើកទឹកចិត្តឱ្យប្រើប្រាស់ ឬផ្ដល់ការណែនាំឱ្យប្រើ ឬផលិត) កញ្ឆា និងផលិតផលដែលមាន THC ឬសមាសធាតុដែលមានឥទ្ធិពលលើសតិអារម្មណ៍ពាក់ព័ន្ធ។
  • មាតិកាទាក់ទងនឹងអាជីវកម្មដែលបង្ហោះដោយអ្នកចែកចាយកញ្ឆា ដែលមិនមានការប៉ុនប៉ងទិញ លក់ ឬជួញដូរកញ្ឆា និងផលិតផលដែលមាន THC ឬសមាសធាតុដែលមានឥទ្ធិពលលើផ្លូវចិត្តពាក់ព័ន្ធ។
  • មាតិកាដែលប៉ុនប៉ងទិញ លក់ ជួញដូរ បរិច្ចាគ ផ្ដល់អំណោយ ឬស្នើសុំសារធាតុ cannabidiol សម្រាប់បរិភោគ (CBD) ឬផលិតផល cannabinoid ស្រដៀងគ្នា។
  • មាតិកាដែលប៉ុនប៉ងទិញ លក់ ជួញដូរ បរិច្ចាគ ផ្ដល់អំណោយ ឬស្នើសុំសារធាតុ cannabidiol មិនមែនសម្រាប់បរិភោគ (CBD) ឬ​ផលិតផល cannabinoid ស្រដៀងគ្នា។
  • មាតិកាដែលធ្វើការអះអាងអំពីជំងឺទាក់ទងនឹងសារធាតុ cannabidiol ដែលមិនមែនសម្រាប់បរិភោគ (CBD) ឬផលិតផល cannabinoid ស្រដៀងគ្នា។
  • មាតិកាដែលបង្ហាញអំពីគ្រឿងបរិក្ខារប្រើប្រាស់កញ្ឆា។
ឱសថតាមវេជ្ជបញ្ជា
  • មាតិកាដែលប៉ុនប៉ងទិញ លក់ ឬជួញដូរឱសថតាមវេជ្ជបញ្ជានៅក្នុងបរិបទណាមួយ រួមទាំងពេលដែលបង្ហោះដោយអាជីវកម្មខាងពាណិជ្ជកម្មអេឡិចត្រូនិកផ្នែកថែទាំសុខភាពស្របច្បាប់។
  • មាតិកាដែលប៉ុនបងទិញ លក់ ជួញដូរ បរិច្ចាគ ផ្ដល់អំណោយ ឬស្នើសុំឱសថគ្មានវេជ្ជបញ្ជា។
  • មាតិកាដែល​រួម​បញ្ចូល​ការទទួលយកឬ​ការ​ប្រើប្រាស់ឱសថ​តាម​វេជ្ជបញ្ជា។
សព្វាវុធ គ្រាប់រំសេវ ឬគ្រឿងផ្ទុះ
យើងមិនអនុញ្ញាត៖
មាតិកាដែល៖
  • ប៉ុនប៉ងទិញ លក់​ ឬជួញដូរកាំភ្លើង គ្រឿងបន្លាស់កាំភ្លើង គ្រាប់រំសេវ គ្រឿងផ្ទុះ ឬការបង្កើតគ្រឿងដែលអាចបង្កគ្រោះថ្នាក់ដល់ជីវិត លើកលែងតែពេល៖
    • បានបង្ហោះដោយទំព័រ ក្រុម ឬប្រូហ្វាលលើ Instagram ដែលតំណាងឱ្យអង្គភាពរូបវន្តស្របច្បាប់ រួមទាំងអាជីវកម្មលក់រាយ វេបសាយ ម៉ាក ឬទីភ្នាក់ងាររដ្ឋាភិបាល (ឧ. ផ្នែកប៉ូលិស ផ្នែកអគ្គិភ័យ)​ ឬបុគ្គលឯកជនដែលចែករំលែកមាតិកាតាងនាមឱ្យអង្គភាពរូបវន្តស្របច្បាប់ ហើយលទ្ធភាពមើលឃើញត្រូវបានរឹតត្បិតសម្រាប់តែមនុស្សពេញវ័យដែលមានអាយុចាប់ពី ២១ ឆ្នាំឡើងទៅ។
  • ប៉ុនប៉ងបរិច្ចាគ ឬផ្ដល់អំណោយជាកាំភ្លើង គ្រឿងបន្លាស់កាំភ្លើង គ្រាប់រំសេវ គ្រឿងផ្ទុះ ឬការបង្កើតគ្រឿងដែលអាចបង្កគ្រោះថ្នាក់ដល់ជីវិត លើកលែងតែពេលដែលបានបង្ហោះក្នុងបរិបទដូចខាងក្រោម៖
    • បរិច្ចាគ ជួញដូរ ឬទិញកាំភ្លើង និងគ្រាប់រំសេវមកវិញដោយទំព័រ ក្រុម ឬប្រូហ្វាលលើ Instagram ដែលតំណាងឱ្យអង្គភាពរូបវន្តស្របច្បាប់ រួមទាំងអាជីវកម្មលក់រាយ វេបសាយ ម៉ាក ឬទីភ្នាក់ងាររដ្ឋាភិបាល ឬបុគ្គលឯកជនដែលចែករំលែកមាតិកាតាងនាមឱ្យអង្គភាពរូបវន្តស្របច្បាប់ ហើយលទ្ធភាពមើលឃើញត្រូវបានរឹតត្បិតសម្រាប់តែមនុស្សពេញវ័យដែលមានអាយុចាប់ពី ២១ ឆ្នាំឡើងទៅ។
    • ការលក់ដេញថ្លៃ ឬការចាប់ឆ្នោតផ្សងសំណាងយកអាវុធដោយអង្គភាពរូបវន្តស្របច្បាប់ រួមទាំងអាជីវកម្មលក់រាយ ស្ថាប័នដែលពាក់ព័ន្ធនឹងរដ្ឋាភិបាលឬស្ថាប័នមិនរកប្រាក់ចំណេញ ឬបុគ្គលឯកជនដែលមានទំនាក់ទំនងជាមួយឬឧបត្ថម្ភដោយអង្គភាពរូបវន្តស្របច្បាប់ ហើយលទ្ធភាពមើលឃើញត្រូវបានរឹតត្បិតសម្រាប់តែមនុស្សពេញវ័យដែលមានអាយុចាប់ពី ២១ ឆ្នាំឡើងទៅ។
  • ការស្នើសុំកាំភ្លើង គ្រឿងបន្លាស់កាំភ្លើង គ្រាប់រំសេវ គ្រឿងផ្ទុះ ឬការបង្កើតគ្រឿងដែលអាចបង្កគ្រោះថ្នាក់ដល់ជីវិត។
  • ប៉ុនប៉ងទិញ លក់ ផ្ដល់អំណោយ ដោះដូរ ផ្ទេរ សម្របសម្រួល និយាយវិជ្ជមាន លើកទឹកចិត្តដល់ការប្រើ ឬផ្ដល់សិទ្ធិចូលប្រើការបោះពុម្ព ៣D ឬការណែនាំអំពីការផលិតដោយមានជំនួយពីកុំព្យូទ័រ សម្រាប់កាំភ្លើង ឬគ្រឿងបន្លាស់កាំភ្លើងដោយមិនគិតពីបរិបទ ឬផ្ទាំងរូបភាពឡើយ។
  • ការប៉ុនប៉ងទិញ លក់ ជួញដូរ បរិច្ចាគ ផ្ដល់ជាអំណោយ ស្នើសុំ ឬទទួលស្គាល់ភាពជាម្ចាស់ឧបករណ៍បំប្លែងកាំភ្លើងយន្ត។
សម្រាប់មាតិកាខាងក្រោម ក្រុមហ៊ុនរឹតត្បិតលើភាពអាចមើលឃើញចំពោះមនុស្សពេញវ័យដែលមានអាយុ 21 ឆ្នាំឡើងទៅ៖
សព្វាវុធ គ្រាប់រំសេវ ឬគ្រឿងផ្ទុះ
  • មាតិកាដែលបង្ហោះដោយឬផ្សព្វផ្សាយហាងរូបវន្តស្របច្បាប់ អង្គភាព រួមទាំងអាជីវកម្មលក់រាយ វេបសាយ ម៉ាក ឬទីភ្នាក់ងាររដ្ឋាភិបាលដែលប៉ុនប៉ងទិញ លក់ ជួញដូរ បរិច្ចាគ ឬផ្ដល់អំណោយ ឬស្នើសុំ (រួមទាំងនៅក្នុងបរិបទនៃការលក់ដេញថ្លៃ ឬការចាប់រង្វាន់) កាំភ្លើង គ្រឿងបន្លាស់កាំភ្លើង គ្រាប់រំសេវ គ្រឿងផ្ទុះ ឬការបង្កើតគ្រឿង​ដែលអាចបង្កគ្រោះថ្នាក់ដល់ជីវិត។
សម្រាប់មាតិកាខាងក្រោម យើងរឹតត្បិតលើភាពអាចមើលឃើញចំពោះមនុស្សពេញវ័យដែលមានអាយុ 18 ឆ្នាំឡើងទៅ៖
របស់របរមានផ្លែមុត និងអាវុធផ្សេងទៀត៖
  • មាតិកាដែលប៉ុនប៉ងទិញ លក់ ជួញដូរ សម្របសម្រួល បរិច្ចាគ ផ្ដល់អំណោយ ឬស្នើសុំ៖ របស់របរមានផ្លែមុត និងអាវុធផ្សេងទៀត (ឧ. ស្រ្ពាយការពារខ្លួន ឬស្នាប់ដៃ)។
  • មាតិកាដែលនិយាយជាវិជ្ជមានអំពី ផ្តល់ការណែនាំក្នុងការប្រើប្រាស់ ឬលើកទឹកចិត្តដល់ការប្រើប្រាស់កាំភ្លើង គ្រឿងបន្លាស់កាំភ្លើង គ្រាប់រំសេវ គ្រឿងផ្ទុះ ការបង្កើតគ្រឿង​ដែលអាចបង្កគ្រោះថ្នាក់ដល់ជីវិត ឬរបស់របរមានផ្លែមុតនៅក្នុងការវាយតម្លៃផលិតផល
  • ការផ្តល់ជូនការលក់និងការផ្សព្វផ្សាយអំពីគ្រឿងបន្លាស់ដែលមិនមានគ្រោះថ្នាក់ដល់ជីវិត
ថ្នាំជក់ និងផលិតផលពាក់ព័ន្ធ
យើងមិនអនុញ្ញាត៖
មាតិកាដែល៖
  • ការប៉ុនប៉ងទិញ លក់ ឬជួញដូរផលិតផលដែលទាក់ទងនឹងថ្នាំជក់/នីកូទីន ឬផលិតផលដែលក្លែងធ្វើការជក់បារី រួមទាំងផលិតផលប្រព័ន្ធចែកចាយជាតិនីកូទីនអេឡិចត្រូនិក "ENDS" គ្រប់ប្រភេទ (ឧ. បារីអេឡិចត្រូនិក វ៉េប និងវ៉េបគ្មានជាតិនីកូទីន)។
    • លើកលែងតែនៅពេលបង្ហោះដោយទំព័រ ក្រុម ឬប្រូហ្វាលផ្ទាល់ខ្លួនលើ Instagram ដែលតំណាងឱ្យអង្គភាពរូបវន្តស្របច្បាប់ រួមទាំងអាជីវកម្មលក់រាយ គេហទំព័រ ម៉ាក ឬបុគ្គលឯកជនដែលចែករំលែកមាតិកាតាងនាមឱ្យអង្គភាពរូបវន្តស្របច្បាប់ រួមទាំងការផ្ដល់ជូនសេវាដឹកជញ្ជូន និងអំណោយជាម៉ាក។
  • ការប៉ុនប៉ងបរិច្ចាគ ឬផ្ដល់អំណោយផលិតផលថ្នាំជក់/នីកូទីន ឬផលិតផល “ENDS”។
    • លើកលែងតែនៅពេលបង្ហោះដោយទំព័រ ក្រុម ឬប្រូហ្វាលផ្ទាល់ខ្លួនលើ Instagram ដែលតំណាងឱ្យអង្គភាពរូបវន្តស្របច្បាប់ រួមទាំងអាជីវកម្មលក់រាយ គេហទំព័រ ម៉ាក ឬបុគ្គលឯកជនដែលចែករំលែកមាតិកាតាងនាមឱ្យអង្គភាពរូបវន្តស្របច្បាប់ រួមទាំងការផ្ដល់ជូនសេវាដឹកជញ្ជូន និងអំណោយជាម៉ាក។
  • ស្នើសុំផលិតផលថ្នាំជក់/នីកូទីន ឬផលិតផលដែលក្លែងធ្វើការជក់បារី រួមទាំងផលិតផល “ENDS” គ្រប់ប្រភេទ (វ៉េបគ្មានជាតិនីកូទីន)។
សម្រាប់មាតិកាខាងក្រោម យើងរឹតត្បិតលើភាពអាចមើលឃើញចំពោះមនុស្សពេញវ័យដែលមានអាយុ 18 ឆ្នាំឡើងទៅ៖
  • មាតិកាដែលត្រូវបានបង្ហោះដោយអង្គភាពរូបវន្តស្របច្បាប់ រួមទាំងគេហទំព័រអាជីវកម្មលក់រាយ ឬម៉ាក ដែលប៉ុនប៉ងទិញ លក់ ជួញដូរ បរិច្ចាគ ឬផ្ដល់អំណោយ​គ្រឿងស្រវឹង ឬផលិតផលថ្នាំជក់ជាដើម។
  • មាតិកាដែលបង្ហាញអំពីការប្រើប្រាស់ថ្នាំជក់ ផលិតផលនីកូទីន ឬផលិតផល “ENDS”។
  • មាតិកាដែលសម្របសម្រួល ឬផ្សព្វផ្សាយការប្រើប្រាស់ថ្នាំជក់ ផលិតផលនីកូទីន ផលិតផល “ENDS” ឬម៉ាកថ្នាំជក់។
  • មាតិកាដែលបង្ហាញអំពីផលិតផលបញ្ឈប់ការជក់បារី
  • មាតិកាដែលពិភាក្សា ឬផ្សព្វផ្សាយការប្រើប្រាស់ថ្នាំជក់ ឧបករណ៍ប្រើប្រាស់ថ្នាំជក់ ឬម៉ាកថ្នាំជក់
  • មាតិកាលើប្រព័ន្ធផ្សព្វផ្សាយដែលបង្ហាញអំពីការជក់បារី ឬការប្រើប្រាស់ថ្នាំជក់ក្នុងបរិបទមិនមែនប្រឌិត
    • លើកលែងតែក្នុងបរិបទយុទ្ធនាការប្រឆាំងនឹងការជក់បារី សេវាប្រឹក្សាសម្រាប់ការញៀននឹងការជក់បារី ការស្តារនីតិសម្បទាការជក់បារីឡើងវិញ ឬបរិបទ PSA
គ្រឿងស្រវឹង
យើងមិនអនុញ្ញាត៖
មាតិកាដែល៖
  • ការប៉ុនប៉ងទិញ លក់ ឬជួញដូរគ្រឿងស្រវឹង លើកលែងតែនៅពេល៖
    • បង្ហោះដោយទំព័រ ក្រុម ឬប្រូហ្វាលលើ Instagram ដែលតំណាងឱ្យអង្គភាពរូបវន្តស្របច្បាប់ រួមទាំងអាជីវកម្មលក់រាយ គេហទំព័រ ឬម៉ាក ឬបុគ្គលឯកជនដែលចែករំលែកមាតិកាតាងនាមឱ្យអង្គភាពរូបវន្តស្របច្បាប់ រួមទាំងការផ្ដល់ជូនសេវាដឹកជញ្ជូន និងអំណោយជាម៉ាក។
    • មាតិកាសំដៅទៅលើគ្រឿងស្រវឹង ឬការផ្ដល់ជូនការអញ្ជើញទៅកាន់កន្លែងពិសារគ្រឿងស្រវឹង ដែលគ្រឿងស្រវឹងនឹងត្រូវបានដោះដូរ ឬប្រើប្រាស់នៅលើទីតាំងនៅឯកម្មវិធី ភោជនីយដ្ឋាន បារនីយដ្ឋាន ឬពិធីជប់លៀង។
  • ប៉ុនប៉ងបរិច្ចាគ ឬផ្តល់អំណោយជាគ្រឿងស្រវឹង ឬថ្នាំជក់ លើកលែងតែនៅពេលបង្ហោះដោយទំព័រ ក្រុម ឬប្រូហ្វាលផ្ទាល់ខ្លួនលើ Instagram ដែលតំណាងឱ្យអង្គភាពរូបវន្តស្របច្បាប់ រួមទាំងអាជីវកម្មលក់រាយ គេហទំ័ព័រឬម៉ាក ឬបុគ្គលឯកជនដែលចែករំលែកមាតិកាតាងនាមឱ្យអង្គភាពរូបវន្តស្របច្បាប់។
  • ស្នើសុំផលិតផល​និងភេសជ្ជៈគ្រឿងស្រវឹង។
សម្រាប់មាតិកាខាងក្រោម យើងរឹតត្បិតលើភាពអាចមើលឃើញចំពោះមនុស្សពេញវ័យដែលមានអាយុ 18 ឆ្នាំឡើងទៅ៖
  • មាតិកាដែលត្រូវបានបង្ហោះ ផ្សព្វផ្សាយដោយស្ថាប័នរូបវន្តស្របច្បាប់ រួមទាំងគេហទំព័រអាជីវកម្មលក់រាយ ឬម៉ាក ដែលប៉ុនប៉ងទិញ លក់ ជួញដូរ បរិច្ចាគ ឬផ្ដល់អំណោយផលិតផល ឬ​ភេសជ្ជៈគ្រឿងស្រវឹជាដើម។
  • មាតិកាដែលបង្ហាញអំពីការប្រើប្រាស់ផលិតផល ឬភេសជ្ជៈគ្រឿងស្រវឹង ឬការចែករំលែករូបមន្តសម្រាប់ភេសជ្ជៈមានជាតិអាល់កុល។
  • មាតិកាសំដៅទៅលើផលិតផលគ្រឿងស្រវឹង ឬការផ្ដល់ជូនការអញ្ជើញទៅកាន់កន្លែងពិសារគ្រឿងស្រវឹង ដែលគ្រឿងស្រវឹងនឹងត្រូវបានដោះដូរឬប្រើប្រាស់។
សុខភាព និងសុខុមាលភាព
សម្រាប់មាតិកាខាងក្រោម យើងរឹតត្បិតលើភាពអាចមើលឃើញចំពោះមនុស្សពេញវ័យដែលមានអាយុ 18 ឆ្នាំឡើងទៅ៖
ផលិតផល ឬសេវាកម្មសម្រកទម្ងន់ ឬបង្កើនទម្ងន់
មាតិកាដែល៖
  • ការប៉ុនប៉ងទិញ លក់ ជួញដូរ បរិច្ចាគ ផ្ដល់អំណោយ លើកឡើង ឬស្នើសុំផលិតផល ឬសេវាកម្មសម្រកទម្ងន់ ឬបង្កើនទម្ងន់។
  • ទទួលស្គាល់ ឬបង្ហាញការប្រើប្រាស់ផលិតផលសម្រកទម្ងន់ ឬផលិតផលបង្កើនទម្ងន់ ក្នុងបរិបទអំណោយផល ឬពិភាក្សាអំពីផលរំខានរបស់វា។
  • បង្ហាញពីការសម្របសម្រួល ឬការផ្សព្វផ្សាយ (ដែលយើងចង់សំដៅលើការនិយាយជាវិជ្ជមាន ការលើកទឹកចិត្តឱ្យប្រើ ឬផ្ដល់ការណែនាំអំពីការប្រើប្រាស់ ឬផលិត) ផលិតផលរបបអាហារ។
  • មានការលើកឡើងដែលបន្ទាបបន្ថោកអំពីរូបរាងរាងកាយ (ពោលគឺ ពាក្យ ការពណ៌នា ឬសំណួរដែលមានលក្ខណៈអវិជ្ជមាន និងវាយប្រហារលើរូបរាងរាងកាយរបស់បុគ្គល ផ្នែករាងកាយជាក់លាក់ ឬអនាម័យ) ឬការបង្ហាញផ្នែករូបរាងកាយជាក់លាក់ដែលមើលជិតដែលបង្ហាញពីសាច់ខ្លាញ់ដែលច្របាច់។
  • ការអះអាងថាលទ្ធផលអាចសម្រេចបានដោយប្រើតែផលិតផលដែលអាចពាក់ជាប់ខ្លួន ដូចជាគ្រឿងអលង្ការ ឬបន្ទះបិទជាដើម។
  • ប្រើយុទ្ធសាស្រ្តការ​ទាក់ទាញការចុចក្នុងបរិបទសម្រកទម្ងន់ ឬបង្កើនទម្ងន់ ដូចជាភាសារសើបដោយមានការអះអាងសុខភាពបំផ្លើស ឬហួសហេតុ ឬសន្យានៃលទ្ធផលជាក់លាក់ក្នុងរយៈពេលកំណត់ដោយគ្មានសេចក្ដីប្រកាស​មិនទទួលខុសត្រូវ ឬលក្ខខណ្ឌកំណត់។
ផលិតផលកែសម្ផស្ស នីតិវិធីព្យាបាល ឬការវះកាត់
មាតិកាដែល៖
  • ប៉ុនប៉ងទិញ លក់ ជួញដូរ បរិច្ចាគ ផ្ដល់អំណោយ លើកឡើង ឬស្នើសុំផលិតផលកែសម្ផស្ស នីតិវិធីព្យាបាល ឬការវះកាត់។ ចំណុចនេះ​រួម​មាន៖
    • ផលិតផលធ្វើឱ្យស្បែកស​ដូចជា ក្រែមធ្វើឱ្យស។
    • នីតិវិធីវះកាត់កែសម្ផស្សក្នុងគោលបំណងព្យាបាល ឬស្ដារមុខងារ ឬរចនាសម្ព័ន្ធនៃមុខ ឬដងខ្លួនរបស់មនុស្សឡើងវិញ។
  • ទទួលយក ឬបង្ហាញការប្រើនីតិវិធីវះកាត់កែសម្ផស្ស ឬការវះកាត់ ដោយគូសបញ្ជាក់ពីផលប៉ះពាល់វិជ្ជមាន ឬអវិជ្ជមានរបស់វា ឬផលរំខាន។
  • បង្ហាញពីការសម្របសម្រួល ឬការផ្សព្វផ្សាយ (ដែលយើងចង់សំដៅដល់ការការនិយាយជាវិជ្ជមាន ការលើកទឹកចិត្តឱ្យប្រើ ឬផ្ដល់ការណែនាំអំពីការប្រើប្រាស់ ឬអនុវត្ត) នីតិវិធី ឬការវះកាត់កែសម្ផស្ស។
  • មានការលើកឡើងដែលបន្ទាបបន្ថោកអំពីរូបរាងវត្ថុ (ពោលគឺ ពាក្យ ការពណ៌នា ឬសំណួរដែលមានលក្ខណៈអវិជ្ជមាន និងវាយប្រហារលើរូបរាងរបស់បុគ្គល ផ្នែករាងកាយជាក់លាក់ ឬអនាម័យ)
កំណត់ចំណាំ៖ ការផ្សព្វផ្សាយវិធីហាត់ប្រាណ (ដូចជា Pilates) ឬគ្រឿងសម្អាងបណ្តោះអាសន្ន (ដូចជាគ្រឿងផាត់មុខ) មិនត្រូវបានរួមបញ្ចូលក្នុងគោលការណ៍នេះទេ។
ការអនុវត្តផ្នែកសុខភាពនាំឱ្យភាន់ច្រឡំ
  • ការអះអាង (រួមទាំងការអះអាងដែលចេញពីអ្នកជំនាញសុខភាព ឬអង្គការសុខភាព) ដើម្បីព្យាបាល ធ្វើឱ្យជាសះស្បើយ ឬលុបបំបាត់ជំងឺដែលមិនអាចព្យាបាលបានដូចខាងក្រោម និង/ឬជំងឺដំណាក់កាលចុងក្រោយ (បញ្ជីលម្អិតបំផុត)៖ ចំណាំ៖ ចំណុចនេះមិនអនុវត្តចំពោះការអះអាងអំពីការព្យាបាល ឬការគ្រប់គ្រងរោគសញ្ញានៃជំងឺទាំងនេះទេ។
    • ជំងឺទឹកនោមផ្អែម
    • រើម
    • ជំងឺក្រពេញទីរ៉ូអ៊ីត
    • ជំងឺស្បែករបកក្រហម
    • ជំងឺអ៊ីបូឡា
    • មហារីក
    • អូទីហ្សឹម
    • ជំងឺវង្វេងវង្វាន់
    • ជំងឺផាគីនសុន
    • ជំងឺក្រិនសរសៃឈាមអាមីណូត្រូហ្វីក (ALS)
    • មេរោគហ៊ីវ (HIV)
  • ប្រើយុទ្ធសាស្រ្តការ​ទាក់ទាញការចុចក្នុងបរិបទសុខភាព ដូចជាភាសារសើប ជាមួយនឹងការអះអាងបំផ្លើសនូវសុខភាព ឬការអះអាងហួសហេតុផងដែរ ឬការសន្យាលទ្ធផលជាក់លាក់ទាក់ទងនឹងសុខភាពក្នុងរយៈពេលកំណត់មួយ ដោយគ្មានសេចក្ដីប្រកាស​មិនទទួលខុសត្រូវ ឬលក្ខខណ្ឌកំណត់។
ផលិតផលដាស់អារម្មណ៍ផ្លូវភេទសម្រាប់មនុស្សពេញវ័យ
មាតិកាដែល៖
  • ប៉ុនប៉ងទិញ លក់ ផ្សព្វផ្សាយ ជួញដូរ បរិច្ចាគ ផ្ដល់អំណោយ ឬស្នើសុំផលិតផលដាស់អារម្មណ៍ផ្លូវភេទសម្រាប់មនុស្សពេញវ័យ ដែលផ្ដោតសំខាន់លើការជំរុញអារម្មណ៍ស្រើបស្រាលផ្លូវភេទរបស់បុគ្គលម្នាក់ ឬបង្កើនចំណង់ផ្លូវភេទរបស់បុគ្គលនោះក្នុងបរិបទប្រឌិត ឬមិនមែនប្រឌិត។ ចំណុចនេះ​រួម​មាន៖
    • ឧបករណ៍សិចសិប្បនិម្មិត
    • ផលិតផលធ្វើឱ្យស្រើបស្រាល
    • ផលិតផលពង្រឹងសមត្ថភាពប្រដាប់ភេទដែលមិនវះកាត់ ដូចជាផលិតផលដែលជំរុញចំណង់ផ្លូវភេទ ឬបង្កើនសមត្ថភាពផ្លូវភេទ
    • ផលិតផលដែលផ្ដោតសំខាន់លើការជំរុញចំណង់ផ្លូវភេទ ឬការសម្រើប
    • ការបង្ហាញអំពីឧបករណ៍សិចដោយគ្មានបរិបទច្បាស់លាស់
ផលិតផលសុខុមាលភាពនិងសុខភាពបន្តពូជ
មាតិកាដែល៖
  • ប៉ុនប៉ងទិញ លក់ ផ្សព្វផ្សាយ ជួញដូរ បរិច្ចាគ ផ្ដល់អំណោយ ឬស្នើសុំផលិតផលសុខុមាលភាព និងសុខភាពបន្តពូជ។ ចំណុចនេះ​រួម​មាន៖
    • ផលិតផលសុខភាពបន្តពូជ ឬសុខុមាលភាព នៅពេលផ្តោតលើភាពស្រើបស្រាលផ្លូវភេទ និងមិនមែនជាអត្ថប្រយោជន៍ផ្នែកវេជ្ជសាស្ត្រ រួមទាំងផលិតផលដែលមានវត្ថុស្រដៀងនឹងលិង្គ ឬយោនី
    • ផលិតផលដែលដោះស្រាយវិបល្លាសប្រព័ន្ធបន្តពូជផ្លូវភេទ
    • ការវះកាត់កែប្រដាប់ភេទ
    • ការវះកាត់កែប្រដាប់ភេទរបស់មនុស្សពេញវ័យ
    • ការអប់រំអំពីការរួមភេទដោយផ្តោតលើភាពស្រើបស្រាលផ្លូវភេទ
    • ផលិតផលអរម៉ូន (ឧទាហរណ៍ ថ្នាំជំរុញតេស្តូស្តេរ៉ូន)
អាជីវកម្មផ្លូវភេទលើមនុស្សពេញវ័យ
មាតិកាដែល៖
  • ប៉ុនប៉ងទិញ លក់ ផ្សព្វផ្សាយ ឬស្នើសុំអាជីវកម្មផ្លូវភេទលើមនុស្សពេញវ័យ ដែលអាចជំរុញអារម្មណ៍ស្រើបស្រាលផ្លូវភេទរបស់បុគ្គលម្នាក់ ឬបង្កើនចំណង់ផ្លូវភេទរបស់បុគ្គលនោះ។ ចំណុចនេះ​រួម​មាន៖
    • អាជីវកម្មកម្សាន្តសម្រាប់មនុស្សពេញវ័យ
    • គ្រឹះស្ថានជំនួញសម្រាប់មនុស្សពេញវ័យ
    • សេវាអប់រំផ្លូវភេទ
ការលេងល្បែងស៊ីសង និងហ្គេមអនឡាញ
សម្រាប់មាតិកាខាងក្រោម យើងរឹតត្បិតលើភាពអាចមើលឃើញចំពោះមនុស្សពេញវ័យដែលមានអាយុ 18 ឆ្នាំឡើងទៅ៖
ការលេងល្បែងស៊ីសង និងហ្គេមអនឡាញ
  • មាតិកាដែលព្យាយាមលក់ ជួញដូរ បង្ហាញ ឬផ្សព្វផ្សាយសេវាកម្មល្បែងស៊ីសង និងហ្គេមអនឡាញដែលមានតម្លៃជារូបិយវត្ថុ (រួមទាំងសាច់ប្រាក់ ឬរូបិយប័ណ្ណឌីជីថល/រូបិយប័ណ្ណនិម្មិត ឧ. bitcoin) តម្រូវឱ្យលេង ហើយអ្វីៗដែលមានតម្លៃជារូបិយវត្ថុជាផ្នែកនៃរង្វាន់។ ចំណុចនេះរួមមានជាអាទិ៍៖
    • ហ្គេមជំនាញ ឆ្នោត/ឆ្នោតវត្ថុ ការភ្នាល់ ការភ្នាល់កីឡា ហ្គេមកាស៊ីណូ ហ្គេមផ្សងសំណាង ឬការឈ្នះប្រាក់ភ្នាល់ទាំងអស់/ការចាប់រង្វាន់។
    • ហ្គេមលេងល្បែងស៊ីសងដែលផ្ដល់រយៈពេលសាកល្បងមានកំណត់ និងតម្រូវឱ្យបង់ប្រាក់បន្ទាប់ពីនោះ។
ហ្គេមកាស៊ីណូសង្គម
  • មាតិកាដែលប៉ុនប៉ងលក់ ជួញដូរ បង្ហាញ ឬផ្សព្វផ្សាយហ្គេមកាស៊ីណូសង្គមដែលក្លែងធ្វើហ្គេមល្បែងស៊ីសងដូចជាម៉ាស៊ីនស៊កកាក់ ដែលមិនមានឱកាសឈ្នះប្រាក់ ឬតម្លៃរបស់ប្រាក់។ ចំណុចនេះរួមបញ្ចូលទាំងមាតិកាដែលបង្ហាញពីឱកាសឈ្នះ “កាក់” ដែលមិនមានតម្លៃរូបិយវត្ថុ។
ហ្គេមដែលអាចលេងដោយឥតគិតថ្លៃជាមួយនឹងបរិបទលេងល្បែងស៊ីសង
  • មាតិកាដែលប៉ុនប៉ងលក់ ជួញដូរ បង្ហាញ ឬផ្សព្វផ្សាយហ្គេមដែលអាចលេងបានដោយឥតគិតថ្លៃ ដែលត្រាប់តាមហ្គេមល្បែងស៊ីសងដែលមិនតម្រូវឱ្យប្រើអ្វីដែលមានតម្លៃជារូបិយវត្ថុសម្រាប់លេងនោះទេ ប៉ុន្តែអាចមានឱកាសឈ្នះប្រាក់ ឬតម្លៃជាប្រាក់។
ប្រភេទសត្វជិតផុតពូជ និងត្រូវបានការពារ (សត្វព្រៃនិងរុក្ខជាតិ)
យើងមិនអនុញ្ញាត៖
មាតិកាដែល៖
  • ប៉ុនប៉ងទិញ លក់ ជួញដូរ បរិច្ចាគ ឬផ្ដល់អំណោយ ឬស្នើសុំប្រភេទសត្វជិតផុតពូជឬផ្នែកផ្សេងៗរបស់វា ឬប្រភេទរុក្ខជាតិដែលបានការពារ។
  • ទទួលស្គាល់ ឬលើកទឹកចិត្តដល់ការបរបាញ់ ការទិញ ឬការជួញដូរប្រភេទសត្វដែលជិតផុតពូជ ឬផ្នែកផ្សេងៗរបស់ពួកវា តាមរយៈបដាផ្សាយពាណិជ្ជកម្មអំពីសត្វទាំងនោះដោយខ្លួនឯង ឬសហការីរបស់ពួកគេ តាមរយៈអ្នកដទៃ។ វាមិនរាប់បញ្ចូលការពណ៌នាអំពីការបរបាញ់ដោយជនចម្លែកឡើយ។
  • ពណ៌នាអំពីការបរបាញ់ប្រភេទសត្វដែលជិតផុតពូជ ឬអវយវៈរបស់ប្រភេទសត្វទាំងនោះ តាមរយៈផ្ទាំងរូបភាពអំពីមាតិកាទាំងនោះ ដោយខ្លួនឯងឬសហការីរបស់ពួកគេ។
  • បង្ហាញពីការសម្របសម្រួល ឬការផ្សព្វផ្សាយ (ក្នុងន័យសំដៅដល់ការនិយាយជាវិជ្ជមានអំពីការលើកទឹកចិត្តការបរបាញ់ ឬផ្ដល់ការណែនាំ) អំពីការប្រើប្រាស់ ឬផលិតផលិតផលពីប្រភេទសត្វជិតផុតពូជឬផ្នែកផ្សេងៗរបស់ប្រភេទសត្វទាំងនោះ ឬសត្វព្រៃ ឬរុក្ខជាតិជិតផុតពូជណាមួយ។
ប្រភេទសត្វមិនទាន់ជិតផុតពូជ៖
  • មាតិកាដែលប៉ុនប៉ងទិញ លក់ ឬជួញដូរប្រភេទសត្វដែលមិនទាន់ជិតផុតពូជ លើកលែងតែនៅពេល៖
    • សារបង្ហោះដោយទំព័រ ក្រុម ឬប្រូហ្វាលលើ Instagram ដែលតំណាងឱ្យអង្គភាពរូបវន្តស្របច្បាប់ រួមទាំងអាជីវកម្មលក់រាយ គេហទំព័រស្របច្បាប់ ម៉ាក ឬការស្មុំយកសត្វទៅចិញ្ចឹមក្នុងជម្រក ឬបុគ្គលឯកជនដែលចែករំលែកមាតិកាជំនួសឱ្យអង្គភាពរូបវន្តស្របច្បាប់។
    • បានបង្ហោះក្នុងបរិបទនៃការចិញ្ចឹម ការផ្ដល់អំណោយ ការស្នើសុំ ការបរិច្ចាគ ឬផ្ដល់ជម្រកដល់សត្វមានជីវិតដែលមិនមែនជាប្រភេទសត្វដែលជិតផុតពូជ រួមទាំងថ្លៃឈ្នួលសម្រាប់ការផ្ដល់ជម្រកជាថ្មីទៅវិញទៅមក
    • ការលក់សត្វសម្រាប់បូជាសាសនា ឬផ្ដល់រង្វាន់សម្រាប់សត្វចិញ្ចឹមដែលបាត់។
    • បានបង្ហោះក្នុងបរិបទនៃការលក់បសុសត្វ។
    • បានបង្ហោះក្នុងបរិបទនៃការទិញ លក់ ឬផ្ដល់អំណោយ ស្នើសុំ បរិច្ចាគស្នែងសត្វ សរីរាង្គ អវយវៈ សាកសព សិល្បៈ​ស្បែក​សត្វ លាមកសត្វ (មិនរាប់បញ្ចូលជីកំប៉ុស ឬជី)។
    • បានបង្ហោះក្នុងបរិបទ​ផ្ដល់ផលិតផលទាក់ទងនឹងសត្វសម្រាប់ការប្រើប្រាស់របស់មនុស្ស ដូចជា ស៊ុត ត្រី ជាដើម។
វត្ថុបុរាណប្រវត្តិសាស្ត្រ
យើងមិនអនុញ្ញាត៖
មាតិកាដែលប៉ុនបងទិញ លក់ ជួញដូរ បរិច្ចាគ ផ្ដល់អំណោយ ឬស្នើសុំវត្ថុបុរាណប្រវត្តិសាស្ត្រ។
ទំនិញនិងសម្ភារៈគ្រោះថ្នាក់
យើងមិនអនុញ្ញាត៖
មាតិកាដែលប៉ុនប៉ងទិញ លក់ ជួញដូរ បរិច្ចាគ ផ្ដល់អំណោយ ឬស្នើសុំទំនិញនិងសម្ភារៈគ្រោះថ្នាក់។
ផ្នែកនៃរាងកាយមនុស្ស និងវត្ថុរាវក្នុងរាងកាយ
យើងមិនអនុញ្ញាត៖
មាតិកាដែល៖
  • ប៉ុនប៉ងទិញ លក់ ឬជួញដូរផ្នែករាងកាយមនុស្ស ទោះបីមិនស្ថិតនៅក្នុងមាតិកានៃការជួញដូរមនុស្សដែលត្រូវបានហាមឃាត់នៅក្រោម គោលការណ៍ស្ដីពីការកេងប្រវ័ញ្ចមនុស្សក៏ដោយ។
  • ការស្នើសុំការដោះដូរសារធាតុរាវរបស់មនុស្ស។
  • ប៉ុនប៉ងទិញ លក់ ឬជួញដូរសារធាតុរាវរបស់មនុស្ស។
  • លើក​លែង​តែ​នៅ​ពេល​បង្ហោះ​ក្នុងបរិបទ​បរិច្ចាគ​សារធាតុ​រាវរបស់​មនុស្ស​ ដូច​ជា ​ទឹកកាម ឬ​ប្លាស្មា​ឈាម។
ទំនិញដែលបានប្រមូលមកវិញ
យើងមិនអនុញ្ញាត៖
មាតិកាដែលប៉ុនប៉ងទិញ លក់ ជួញដូរ សម្របសម្រួលពាណិជ្ជកម្ម បរិច្ចាគ ផ្ដល់អំណោយ ឬស្នើសុំទំនិញដែលប្រមូលមកវិញ។
បទ​ពិសោធអ្នកប្រើប្រាស់
សូមមើលឧទាហរណ៍មួយចំនួនអំពីលក្ខណៈនៃការអនុវត្តច្បាប់សម្រាប់អ្នកប្រើប្រាស់នៅលើ Facebook ដូចជា៖ អ្វីដែលមើលទៅដូចជារាយការណ៍អំពីអ្វីដែលអ្នកមិនគួរមាននៅលើ Facebook ដើម្បីប្រាប់ថាអ្នកបានរំលោភលើស្តង់ដារសហគមន៍របស់យើង ហើយមើលអេក្រង់ព្រមានលើមាតិកាជាក់លាក់មួយចំនួន។
កំណត់ចំណាំ៖ ក្រុមហ៊ុនតែងតែកែលម្អ ដូច្នេះអ្វីដែលអ្នកឃើញនៅទីនេះអាចហួសសម័យបន្តិចបើប្រៀបធៀបទៅនឹងអ្វីដែលក្រុមហ៊ុនកំពុងប្រើនាពេលបច្ចុប្បន្ន។
បទ​ពិសោធអ្នកប្រើប្រាស់
ការរាយការណ៍
បទ​ពិសោធអ្នកប្រើប្រាស់
ទំនាក់ទំនងក្រោយការរាយការណ៍
បទ​ពិសោធអ្នកប្រើប្រាស់
បទពិសោធដកចេញ
បទ​ពិសោធអ្នកប្រើប្រាស់
អេក្រង់ព្រមាន
ទិន្នន័យ
មើលរបាយការណ៍​ស្ដីពីការពង្រឹងការអនុវត្ត​ស្តង់ដារ​សហគមន៍ចុងក្រោយបំផុត
ការអនុវត្តច្បាប់
ក្រុមហ៊ុនមានគោលការណ៍ដូចគ្នានៅជុំវិញពិភពលោកសម្រាប់អ្នកគ្រប់គ្នានៅលើ Facebook។
ក្រុមត្រួតពិនិត្យ
ក្រុមការងារសកលរបស់យើងដែលមានអ្នកត្រួតពិនិត្យជាង 15,000 នាក់ធ្វើការជារៀងរាល់ថ្ងៃ ដើម្បីរក្សាអ្នកប្រើប្រាស់នៅលើ Facebook ឱ្យមានសុវត្ថិភាព។
ការចូលរួមរបស់ភាគីពាក់ព័ន្ធ
ក្រៅពីអ្នកជំនាញ អ្នកសិក្សា អង្គការមិនរកប្រាក់ចំណេញនិងអ្នកបង្កើតគោលការណ៍ជួយជូនដំណឹងអំពីស្ដង់ដារសហគមន៍ Facebook។
ទទួលបានជំនួយជាមួយនឹងទំនិញនិងសេវាកម្មដែលបានរឹតត្បិត
ស្វែងយល់ពីអ្វីដែលអ្នកអាចធ្វើបាន ប្រសិនបើអ្នកឃើញអ្វីមួយនៅលើ Facebook ដែលប្រឆាំងនឹងស្តង់ដារសហគមន៍របស់ក្រុមហ៊ុន។
ចូលមើលមជ្ឈមណ្ឌលជំនួយរបស់ក្រុមហ៊ុន